Каўлякоўскі сельсавет

Каўляко́ўскі сельсавет — адміністрацыйна-тэрытарыяльная адзінка ў складзе Шумілінскага раёна Віцебскай вобласці Беларусі. Адміністрацыйны цэнтр сельсавета — аграгарадок (да 2008 года вёска) Крывое Сяло.

Каўлякоўскі сельсавет
Краіна	Беларусь
Уваходзіць у	Шумілінскі раён
Уключае	41 населены пункт
Адміністрацыйны цэнтр	Крывое Сяло
Дата ўтварэння	20 жніўня 1924
Насельніцтва (2019)	448
Часавы пояс	UTC+03:00
Код аўтам. нумароў	2
Афіцыйны сайт

Гісторыя

Утвораны 20 жніўня 1924 года ў складзе Бешанковіцкага раёна Віцебскай акругі БССР. Цэнтр — вёска Каўлякі. Пасля скасавання акруговай сістэмы 26 ліпеня 1930 года ў Бешанковіцкім раёне БССР. З 20 лютага 1938 года ў складзе Віцебскай вобласці. У 1938 годзе цэнтр сельсавета перанесены ў вёску Крывое Сяло. 20 мая 1960 года да сельсавета далучана частка скасаванага Навікоўскага сельсавета (21 населены пункт: Альшанікі, Аўхіменкі, Барэц, Белькава, Бондарава, Бялянкава, Васток, Гаравыя, Дубінкі, Загор’е, Зарэчча, Застарынне, Звязда, Кародзіна, Кудраўка, Любічы, Мясаеды, Навікі, Полькавічы, Свярдлы і Старына)^[1]. 26 сакавіка 1973 года ў склад Бешанковіцкага сельсавета перададзены 4 населеныя пункты (вёскі Альшанікі, Бондарава, Гаравыя і Полькавічы)^[2]. На 1 студзеня 1974 года ў складзе сельсавета 26 населеных пунктаў^[3]. 13 студзеня 1984 года ў склад сельсавета з Бешанковіцкага сельсавета перададзены 20 населеных пунктаў (вёскі Альшанікі, Бондарава, Бонькі, Вусы, Гаравыя, Дворышча, Доўгія, Заграмадзіна, Заручэўе, Кавалеўшчына, Мамойкі-II, Мурашкі, Полькавічы, Саўчонкі, Узрэчча, Харакова, Харкавічы, Юдзіна, Яцукі і пасёлак Заводскі)^[4]. 18 ліпеня 1985 года сельсавет перададзены ў склад Шумілінскага раёна.

Насельніцтва

Насельніцтва сельсавета паводле перапісу 2009 года — 747 чалавек^[5], з іх 91,8 % — беларусы, 6,8 % — рускія, 0,7 % — украінцы^[6]; паводле перапісу 2019 года — 448 чалавек^[7].