Кладонія бясформенная

Кладонія бясформенная (Cladonia deformis) — від грыбоў сямейства Кладоніевыя.

Cladonia deformis
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Lecanoromycetes Падклас:  Lecanoromycetidae Парадак:  Леканаральныя Сямейства:  Кладоніевыя Род:  Кладонія Падрод:  Cocciferae Від:  Cladonia deformis
Міжнародная навуковая назва
Cladonia deformis (L.) Hoffm., 1796
Сінонімы
Cladonia crenulata (Ach.) Flörke
Сістэматыка на Віківідах Выявы на Вікісховішчы ITIS   189886 NCBI   184097 EOL   196924 MB   382821

Cladonia deformis

Cladonia deformis

Распаўсюджанне і экалогія

Расце на глебе, багатай арганічнымі рэчывамі, на гнілой драўніне, раслінных рэштках, у светлых хваёвых і мяшаных лясах, на тарфяных балотах^[1].

У Беларусі сустракаецца паўсюдна, але невялікімі купінкамі^[1].

Біялагічнае апісанне

Слаявіна кусцістая. Першасная слаявіна часцей рана знікае, але часам захоўваецца доўга, створана моцна зрэзанымі жаўтавата- або зеленавата-шэрымі лускавінкамі розных памераў. Падэцыі да 8 см вышыні, сярніста-жоўтыя, цыліндрычныя, простыя, у верхняй частцы звужаныя або пашыраныя ў правільныя сцыфы з суцэльным або праліфіцыруючым краем^[1].

Паверхня падэцыяў пакрыта жаўтлява-шараватым каравым пластом пры аснаванні, часам ён даходзіць да сярэдзіны падэцыяў. Астатняя іх частка прыпудрана парошыстымі сарэдыямі сернага або саламяна-жоўтага колеру. Пладовыя целы (апатэцыі) ярка-чырвоныя, сустракаюцца рэдка, размяшчаюцца па краю сцыф. Споры эліпсоіднай формы, 8-10×2,5-3,5 мкм^[1].

Выкарыстанне

Утрымлівае уснінавую кіслату і цэарын. Валодае антымікробнай актыўнасцю^[1].

Зноскі

1. Кладония бесформенная // Лекарственные растения и их применение. — 5-е, перераб. и. доп.. — Мн.: «Наука и техника», 1974. — С. 49-50. — 592 с. — 120 000 экз.