Кляноўскі сельсавет

Кляно́ўскі сельсаве́т — былая адміністрацыйна-тэрытарыяльная адзінка ў складзе Дубровенскага раёна Віцебскай вобласці Беларусі. Адміністрацыйны цэнтр — вёска Кляны.

Кляноўскі сельсавет
Краіна	Беларусь
Уваходзіць у	Дубровенскі раён
Уключае	10 населеных пунктаў
Адміністрацыйны цэнтр	Кляны
Дата ўтварэння	20 жніўня 1924
Дата скасавання	10 кастрычніка 2013
Насельніцтва (2009)	573
Часавы пояс	UTC+03:00
Код аўтам. нумароў	2

Гісторыя

Утвораны 20 жніўня 1924 года ў складзе Дубровенскага раёна Аршанскай акругі БССР. Пасля скасавання акруговай сістэмы 26 ліпеня 1930 года сельсавет у Дубровенскім раёне БССР, з 20 лютага 1938 года — Віцебскай вобласці. З 25 снежня 1962 года сельсавет у складзе Аршанскага раёна, з 6 студзеня 1965 года — у складзе адноўленага Дубровенскага раёна. На 1 студзеня 1974 года ў складзе Кляноўскага сельсавета 16 населеных пунктаў^[1]. 16 кастрычніка 1989 года ў склад Дабрынскага сельсавета перададзены 5 населеных пунктаў (Вялікая Дзяцель, Вялікая Лыскаўка, Каўровае, Лугавая і Малая Лыскаўка)^[2]. 10 кастрычніка 2013 года скасаваны, тэрыторыя далучана да Зарубскага сельсавета^[3].

Насельніцтва

Насельніцтва сельсавета паводле перапісу 2009 года складала 573 чалавекі^[4], з іх 95,6 % — беларусы, 3,5 % — рускія, 0,7 % — азербайджанцы^[5].

Склад

На момант скасавання ў склад сельсавета ўваходзілі 10 населеных пунктаў: аграгарадкі Ляхаўка і Чырына, вёскі Быстрыёўка, Гладкія, Жарнеўка, Кляны, Кулакоўшчына, Пячонкі, Хаетчына і Цыбульскія.