Клёцкі

Клёцкі (ням.: Kloß) або кнёдлі (кнедлі, ням.: Knödel) — еўрапейскія мучныя вырабы, часам з дададзенымі сырам і яйкамі. Ужываюць звычайна з супам.

Клёцкі
Уваходзіць у нацыянальныя кухні
беларуская кухня і польская кухня
Краіна паходжання	Польшча
Кампаненты
Асноўныя	цеста
Роднасныя стравы
У іншых кухнях	Кнэдлік
Медыяфайлы на Вікісховішчы

Баварскія бульбяныя кнёдлі пад час гатавання

Кнёдлі ёсць у аўстрыйскай, беларускай, нямецкай, фінскай, чэшскай, яўрэйскай, латышскай, эстонскай, польскай, украінскай і татарскай кухнях. У варыяцыях кнёдлі таксама ёсць у канадскай, нарвежскай і славенскай кухнях.

Клёцкі ў беларускай кухні

Клёцкі — традыцыйная беларуская страва ў форме невялікіх галак. Гатуюць як простыя клёцкі, так і клёцкі з начынкай, якую называюць «душой», а страву цалкам клёцкамі з душамі. Да канца ХІХ ст. і простыя клёцкі, і клёцкі з душамі былі мучнымі або крупянымі.

Магчыма, клёцкі агулам з’явіліся спачатку ў гарадской кухні Заходняй Беларусі, прынамсі такую здагадку выказваў Вільям Пахлёбкін. З часам адбылася трансфармацыя стравы з узбуйненнем, пераходам на бульбу і змяненнем начынкі. Звараныя клёцкі забельваюць малаком, часам смажаць.

Клёцкі былі адной з абавязковых страў на памінках пераважна на ўсходзе Беларусі.

Страва падобнай назвы (kleckiene) ёсць у літоўцаў.

Гл. таксама

• Галушкі — украінскія клёцкі
• Кнедлік — чэшскі кнёдль
• Цюрынгскія клёцкі — традыцыйная страва Цюрынгіі
• Бакэрбзэ
• Ньокі
• Чумар — клёцкі па-татарску

Зноскі