Кнэдлік

Кнэ́длік^[1][2] (чэшск.: knedlík, славацк.: knedľa) — нацыянальная страва чэшскай, славацкай, аўстрыйскай і баварскай кухняў.

Кнэдлік
Уваходзіць у нацыянальныя кухні
нямецкая кухня, аўстрыйская кухня, паўднёвацірольская кухня[d] і чэшская кухня
Краіна паходжання	Аўстрыя  Італія  Германія
Кампаненты
Асноўныя	цеста
Роднасныя стравы
У іншых кухнях	Клёцкі
Медыяфайлы на Вікісховішчы

Гісторыя

Назва паходзіць ад нямецкага слова «knödel» і замацавалася ў чэшскай мове ў пачатку XIX стагоддзя^[3][4].

У сярэднявеччы гэтым словам называлі шарыкі ці конусы з мяса і мочанага хлеба. Каля XVII стагоддзя пачала выкарыстоўвацца і мука. Узніклі розныя варыянты стравы, у тым ліку і з рысу, ужываліся начынні, змяняліся формы.

Апісанне

Тварожныя кнэдлікі з трускаўкавым начыннем

Кнэдлікі ўяўляюць сабой шарыкі з бездражджавога цеста ці бульбы, адвараныя ў падсоленай вадзе. Могуць быць з начыннем.

Бываюць з цеста (чэшск.: houskové knedlíky), з бульбы (чэшск.: bramborové knedlíky), з садавіной (чэшск.: ovocné knedlíky).

Раней кнэдлікі былі асобнай стравай, цяпер зазвычай падаюцца як гарнір да гарачае мясное стравы ці супу. Часта разам з кнэдлікамі падаюць і падліву.

Іншыя назвы

У Венгрыі яны завуцца гомбац (венг.: gombóc), па-нямецку кнёдэль (ням.: knödel), у Люксембургу — кнідэль (kniddel(en)), у Італіі — канедэрлі (італ.: canederli). Падобныя стравы існуюць таксама ў шведскай (kroppkaka), нарвежскай (raspeball ці komle), канадскай (poutines râpées) кухнях.

На Беларусі страва з натаркаванай бульбы з мясам завецца калдуны.

Гл. таксама

• Калдуны
• Клёцкі
• Шкубанкі