Клінападобныя косці (ступня)

У паняцця ёсць і іншыя значэнні, гл. Клінападобная косць.

Клінападо́бныя косці^[1] (лац.: ossa cuneoformia) — тры перадплюснявыя косці ступні, якія формай нагадваюць кліны. Гэта група касцей аб’ядноўвае медыяльную (лац.: os cuneiforme mediale), прамежкавую (лац.: os cuneiforme intermedium) і латаральную (лац.: os cuneiforme laterale) косці. За клінападобнымі касцямі ляжыць чоўнападобная косць. Звонку ад іх знаходзіцца кубападобная косць^[2]. Паміж чоўнападобнай і клінападобнымі касцямі размяшчаецца кліначоўнападобны сустаў (лац.: atriculatio cuneonavicularis), а з кубападобнай косцю клінападобныя косці злучаюцца клінакубападобным суставам (лац.: atriculatio cuneocuboidea). Поласці гэтых суставаў паведамляюцца паміж сабой і з поласцю плюсне-перадплюснявых суставаў^[3].

Клінападобныя косці
лац.: os cuneiform
Касці правай ступні.
Каталогі
Gray? FMA
Медыяфайлы на Вікісховішчы