Колва

Ко́лва (руск.: Ко́лва^[1]) — рака ў Еўрапейскай частцы Расіі, у Ненецкай аўтаномнай акрузе і Рэспубліцы Комі, правы прыток ракі Уса (басейн ракі Пячора).

Колва
руск. Колва
Характарыстыка
Даўжыня	564 км
Басейн	18 100 км²
Расход вады	195[1] м³/с
Вадацёк
Выток
• Месцазнаходжанне	узвышша Янеймусюр
• Каардынаты	68°12′17″ пн. ш. 58°00′17″ у. д.HGЯO
Вусце	Уса
• Месцазнаходжанне	каля сяла Колва
• Каардынаты	65°55′28″ пн. ш. 57°19′01″ у. д.HGЯO
Размяшчэнне
Водная сістэма	Уса → Пячора → Баранцава мора
Краіна	Расія
Рэгіёны	Ненецкая аўтаномная акруга, Рэспубліка Комі
Код у ДВР	03050200112103000071842
выток вусце

У паняцця ёсць і іншыя значэнні, гл. Колва (значэнні).

Даўжыня ракі 564 км. Плошча вадазбору 18 100 км². Сярэдні расход вады 195^[1] м³/с (157 м³/с, аб’ём сцёку 4,955 км³/год^[2]). Выток ракі знаходзіцца на ўзвышшы Янеймусюр, у Вяліказямельскай тундры. Працякае пераважна ў напрамку на поўдзень. Упадае ва Усу на поўдзень ад сяла Колва. Верхняе і сярэдняе цячэнне ракі знаходзіцца за Палярным кругам. Жыўленне ракі пераважна снегавое. Замярзае ў лістападзе, вызваляецца ад лёду ў красавіку—маі. У паўночнай частцы басейна Колвы вялікая колькасць азёр тэрмакарставага паходжання. Рака суднаходная на 330 км ад вусця^[3].

Прытокі Колвы: Кыка-Шор, Нядэй-Сё, Юн-Яга, Лыатывіс, Сіратывіс, Грубейшор, Ханюку-Ты-Віс, Акілтывіс, Сандзівей (Сандзівэй), Лёк-Хар-Яга (Лёк-Хара-Яга), Харб-Яга, Лука-Шор, Кама-Віс, Лыдую, Анда-Колва, Хата-Яга (Хат-Яга) і інш.^[3]

Зноскі

1. Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 218. — 538 с. — 100 000 экз. (руск.)
2. Научно-популярная энциклопедия «Вода России» (руск.)
3. Река КОЛВА // Государственный водный реестр РФ (руск.)