Краски

У паняцця ёсць і іншыя значэнні, гл. Краскі.

«Краски» — музычны гурт з Беларусі, які быў створаны ў Мінску 1 студзеня 2001 года. Салістка і аўтарка песень — Аксана Кавалеўская.

Краски
Жанр	Поп-музыка
Гады	2001—па сённяшні дзень
Краіна	Беларусь
Горад	Мінск — да 2003 года Масква — пасля 2003 года
Адкуль	Мінск
Мова песень	Руская, беларуская
Лэйбл	Real Line Music
Склад	Дар'я Субоціна Віталь Кандракоў Саша Ліс
Афіцыйны сайт
Медыяфайлы на Вікісховішчы

17 лістапада 2001 года ў мінскім клубе «Блиндаж» прайшла прэзентацыя дэбютнага альбома «Ты уже взрослый» (бел. «Ты ўжо дарослы»), які быў перавыдадзены ў Маскве ў 2002 годзе пад назвай «Старший брат» (бел. «Старэйшы брат») фірмай Real Records. Пасля поспеху ў Беларусі, гурт сканцэнтраваўся на расійскім музычным рынку^[1]. З моманту свайго заснавання гурт выступіў на пляцоўках буйнейшых гарадоў СНД, арганізаваў усебеларускі тур, у межах якога было дадзена 172 канцэрта, выпусціў 6 альбомаў (5 з якіх — у Расіі).

У 2003 годзе гурт «Краски» займеў праблемы з беларускімі уладамі, 1 красавіка офіс калектыва ў Мінску быў захоплены беларускім АМАПам, а супрацоўнікі офіса былі затрыманы^[2][3]. Пасля гэтых падзей гурт «Краски» пераехаў у Маскву. У склад гурта увайшоў Дзмітрый Арлоўскі (клавішы). Выйшлі наступныя альбомы — «Оранжевое солнце: оранжевый альбом», «Весна: синий альбом», «Те кто любит: фиолетовый альбом». У сакавіку 2006 года Аксана Кавалеўская пакінула калектыў. На яе замены прыйшла вакалістка Кацярына Саша. У Расіі з'явіліся гурты-двайнікі, што называлі сябе «Краски» і выконвалі песні калектыву^[4]. У 2012 годзе ў гурт «Краски» прыйшла салістка Марына Іванова. У кастрычніку 2015 яна сыйшла з гурта, і салісткай стала Дар'я Субоціна.

Дыскаграфія

Альбомы

• Ты уже взрослый (2001) (толькі ў Беларусі)
• Старший брат: желтый альбом (2002)
• Я люблю тебя, Сергей: красный альбом (2002)
• Оранжевое солнце: оранжевый альбом (2003)
• Весна: синий альбом (2004)
• Те, кто любит: фиолетовый альбом (2004)

Супольныя праекты

• Viza Незалежнай Рэспублікі Мроя (2003), трэк «Тры чарапахі»

Бягучы склад

• Дар’я Субоціна: спеў
• Віталь Кандракоў
• Саша Ліс

Літаратура

• Д.П. «КРАСКИ» // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 144–145. — 368 с. — 2 000 экз. — ISBN 978-985-6783-42-8.

Зноскі

1. Климов, Олег; Шаруба, Сергей (2004). "Убить N.R.M., или К неутешительным итогам музыкального года". Музыкальная газета(руск.) (4). Архівавана з арыгінала 11 верасня 2020. Праверана 2020-09-11.
2. Против членов поп-группы "Краски" возбуждено уголовное дело (нявызн.). afn.by (8 красавіка 2003).
3. Светлана Гудеж. Краски. События: без шуток (нявызн.). Звуки.ру (3 красавіка 2003).
4. Продюсер группы «Краски» заявил, что в Омске выступили двойники (нявызн.). 'omskpress.ru (16 мая 2012).