Краснагорск (Буда-Кашалёўскі раён)

У паняцця ёсць і іншыя значэнні, гл. Краснагорск.

Краснаго́рск^[1] (трансліт.: Krasnahorsk, руск.: Красногорск) — пасёлак у Буда-Кашалёўскім раёне Гомельскай вобласці. Уваходзіць у склад Шырокаўскага сельсавета.

Пасёлак Краснагорск Краіна Беларусь Вобласць Гомельская Раён Буда-Кашалёўскі Сельсавет Шырокаўскі Каардынаты 52°41′12″ пн. ш. 30°52′16″ у. д.HGЯO Першая згадка XX стагоддзе Колькасць двароў 22 Насельніцтва 33 чалавекі (2004) Часавы пояс UTC+3 Тэлефонны код +375 2336 Аўтамабільны код 3 Краснагорск Краснагорск

Геаграфія

Размяшчэнне

За 20 км на ўсход ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 29 км ад Гомеля.

Гідраграфія

На поўначы, захадзе і поўдні меліярацыйныя каналы.

Транспартная сетка

Транспартныя сувязі па прасёлкавай дарозе, затым па шашы Доўск — Гомель. Планіроўка складаецца з просталінейнай шыротнай вуліцы, да якой на ўсходзе далучаецца кароткая мерыдыянальная вуліца. Забудова драўлянымі дамамі сядзібнага тыпу.

Гісторыя

Заснаваны напачатку XX стагоддзя перасяленцамі з суседніх вёсак. У 1930 годзе арганізаваны калгас, працавала арцель па здабычы торфу. Падчас Вялікай Айчыннай вайны акупанты спалілі 20 двароў, 12 жыхароў вёскі загінулі на фронце. У 1959 годзе ў складзе саўгаса «Камінтэрн» (цэнтр — вёска Шырокае). Да 1966 года пасёлак уваходзіў у склад Акцябрскага сельсавета^[2].

Насельніцтва

Колькасць

• 2004 год — 22 гаспадаркі, 33 жыхара.

Дынаміка

• 1926 год — 39 двароў, 185 жыхароў.
• 1940 год — 49 двароў, 350 жыхароў.
• 1959 год — 202 жыхара (паводле перапісу).
• 2004 год — 22 гаспадаркі, 33 жыхара.

Зноскі

1. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
2. Рашэнні выканкома Гомельскага абласнога Савета дэпутатаў працоўных ад 12 лістапада, 1 і 8 снежня 1966 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1967, № 1 (1159).