Крысціна Дацкая (каралева Швецыі)

Не блытаць з Крысціна Дацкая.

Крысціна Б’ёрнсдоцір Дацкая (дацк.: Kirstine Björnsdatter, шведск.: Kristina Björnsdotter) — каралева-кансорт Швецыі, жонка Эрыка IX Святога і маці караля Кнута I Эрыксана.

Крысціна Дацкая
Каралева-кансорт Швецыі 1079 — 1160
Папярэднік	Рыкса Баляславаўна
Пераемнік	Брыгіда Харальдсдоцір
Нараджэнне	1120 Данія, Каралеўства Данія
Смерць	1170
Род	Эстрыдсены
Бацька	Б'ёрн Харальдсен Жалезнабокі[d]
Маці	Кацярына Інгесдотэр Шведская
Муж	Эрык IX Святы[1]
Дзеці	Кнут I Эрыксан, Catherine, Lady Blake[d], Філіп Эрыксан[d] і Маргарыта Шведская[d][2]
Веравызнанне	хрысціянства

Біяграфія

Згодна «Сазе пра нашчадкаў Кнута» Крысціна была дачкой Б’ёрна Харальдсена Жалезнабокага і яго жонкі, шведскай прынцэсы Кацярыны Інгесдотэр, дачкі караля Швецыі Інгэ I. Яна засталася сіратой ў 1134 годзе, калі яе бацька прынц Б’ёрн быў забіты па загадзе свайго дзядзькі, караля Даніі Эрыка II^[3].

У 1149 або 1150 годзе Крысціна выйшла замуж за свайго стрыечнага брата Эрыка IX, у той час прэтэндэнта на трон ад Упланда. Праз шэсць гадоў яе муж стаў каралём Швецыі; яна была каралевай Швецыі на працягу чатырох гадоў, з 1156 па 1160 год^[4]. Іх дзецьмі былі:

• Кнут Эрыксан, кароль Швецыі (1167—1196)
• Філіп Эрыксан
• Катарына Эрыксдотэр, жонка Нільса Блэйка
• Маргарыта Эрыксдотэр, жонка нарвежскага караля Сверыра Сігурдсана

Каралева Крысціна засталася ў гісторыі дзякуючы яе канфлікту з Варнхемскім манастыром. У яе была спрэчка з манахамі па пытанні ўласнасці на зямлю, на якой стаяў манастыр, паколькі яна лічыла яе сваёй спадчынай ад сваёй сваячкі лэдзі Сігрыд. Сцвярджаецца, што яна пераследвала манахаў: сага абвінавачвае яе ў тым, што яна адправіла ў манастыр жанчын, каб тыя танцавалі аголенымі перад манахамі^[5]. Гэта вымусіла манахаў пакінуць краіну і шукаць прытулку ў Даніі, дзе ў 1158 годзе яны заснавалі абацтва Уіцкло. З-за гэтага канфлікту Папа Рымскім разглядаў магчымасць адлучэння яе ад царквы.

Каралева Крысціна заўдавела пасля забойства караля каля сабора ва Упсале ў 1160 годзе. Паводле легенды, яна бегла са сваім сынам і паслядоўнікамі, забраўшы каранаваную галаву свайго мужа. Лічыцца, што наступныя гады яна правяла ў Даніі.

У 1167 годзе яе сын быў прызначаны каралём Кнутам I. Як мяркуецца ўдава каралева Крысціна памерла ў пачатку яго праўлення прыкладна ў 1170 годзе, аднак ні дата яе нараджэння, ні смерці дакладна не вызначаны.

Продкі

Зноскі

1. (unspecified title) Праверана 7 жніўня 2020.
2. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
3. Hans Olrik, «Oluf (Haraldsen)», Dansk Biografisk Leksikon, pp. 426-7
4. A.M. Strinnholm, Svenska folkrts historia, Vol. IV. Stockholm: Hörbergska Boktryckeriet, 1852, p. 120
5. Christer Öhman (Swedish): Helgon, bönder och krigare. Berättelser ur den svenska historien (Saints, farmers and warriors. Stories from the history of Sweden)