Крытышынскі сельсавет

Крыты́шынскі сельсавет — былая адміністрацыйна-тэрытарыяльная адзінка ў складзе Іванаўскага раёна Брэсцкай вобласці Беларусі. Цэнтр — аграгарадок (да 2010 года вёска) Крытышын.

Крытышынскі сельсавет
Краіна	Беларусь
Уваходзіць у	Іванаўскі раён
Уключае	8 населеных пунктаў
Адміністрацыйны цэнтр	Крытышын
Дата ўтварэння	12 кастрычніка 1940
Дата скасавання	26 чэрвеня 2013
Насельніцтва (2009)	1 421
Часавы пояс	UTC+03:00
Код аўтам. нумароў	1

Утвораны 12 кастрычніка 1940 года ў складзе Іванаўскага раёна Пінскай вобласці. З 8 студзеня 1954 года ў складзе Брэсцкай вобласці. З 25 снежня 1962 года па 6 студзеня 1965 года ў складзе Драгічынскага раёна. На 1 студзеня 1974 года ў складзе Крытышынскага сельсавета было 8 населеных пунктаў^[1]. 26 чэрвеня 2013 года сельсавет скасаваны, тэрыторыя далучана да Рудскага сельсавета^[2].

Насельніцтва сельсавета паводле перапісу 2009 года — 1421 чалавек^[3], з іх 95,6 % — беларусы^[4].

На момант скасавання ў сельсавет уваходзілі 8 населеных пунктаў: Башня, Гнеўчыцы, Загута, Заруддзе, Крытышын, Маразы, Рагадашч, Радаўня.