Ксяндзоўскае

Ксяндзо́ўскае — возера ў Пастаўскім раёне Віцебскай вобласці, за 4 км на захад ад горада Паставы, у басейне ракі Мядзелка.

Ксяндзоўскае
Морфаметрыя
Даўжыня	0,8 км
Шырыня	0,29 км
Плошча	0,18 км²
Даўжыня берагавой лініі	2,07 км
Найбольшая глыбіня	4,6 м
Сярэдняя глыбіня	2,7 м
Басейн
Плошча вадазбору	3,8 км²
Размяшчэнне
Краіна	Беларусь
Рэгіён	Віцебская вобласць
Ксяндзоўскае
Ксяндзоўскае

Плошча паверхні 0,18 км². Даўжыня 0,8 км, найбольшая шырыня 0,29 км. Найбольшая глыбіня 4,6 м, сярэдняя 2,7 м. Даўжыня берагавой лініі 2,07 км. Аб’ём вады 0,48 млн м³. Плошча вадазбору 3,8 км².

Схілы катлавіны вышынёй 2—4 м, разараныя, на поўдні і захадзе невыразныя. Берагі сплавінныя, месцамі пад хмызняком. На захадзе, поўдні і паўднёвым усходзе забалочаная пойма шырынёй ад 10 да 250 м, парослая хмызняком. Дно ілістае. Зарастае амаль трэць плошчы возера. Уздоўж берагоў паласа надводнай расліннасці шырынёй 6—35 м да глыбіні 1 м.

Літаратура

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.

Спасылкі

• Агульная характарыстыка азёр Віцебскай вобласці / Даведнік «Водныя аб’екты Рэспублікі Беларусь» Архівавана 17 мая 2017.
• Морфаметрычныя параметры азёр Віцебскай вобласці / Даведнік «Водныя аб’екты Рэспублікі Беларусь» Архівавана 6 сакавіка 2016.