Брыца звычайная

Бры́ца звычайная, Курынае проса^[1] (Echinochloa crus-galli) — кветкавая расліна, тыпавы від роду Брыца (Echinochloa) сямейства метлюжковых (злакавых).

Брыца звычайная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Просавыя Трыба:  Paniceae Род:  Брыца Від:  Брыца звычайная
Міжнародная навуковая назва
Echinochloa crus-galli L.) Beauv., 1812
Сістэматыка на Віківідах Выявы на Вікісховішчы ITIS   502210 NCBI   90397 EOL   1115346 GRIN   t:14823 IPNI   399660-1 TPL   kew-410191

Назва

Курынае проса, брыца, пырнік, пятушыная голень^[2][3][4].

Батанічнае апісанне

Батанічная ілюстрацыя з кнігі Яна Копса «Flora Batava», 1800—1934

Аднагадовая травяністая расліна вышынёй 1—2 м. Сцябло моцна галінастае. Лісце шырокалінейнае, па краі вострашурпатае. Каласкі завостраныя, яйцападобнай формы, сабраны ў сціснутую мяцёлку. Галінкі мяцёлкі 3-гранныя, шурпатыя, накіраваныя ўверх. Плады — зярняўкі, пры выспяванні лёгка асыпаюцца.

Распаўсюджанне

Еўрапейскі від. Натуралізаваны на тэрыторыі Еўразіі, Афрыкі, Амерыкі, Аўстраліі і Акіяніі^[5]. На тэрыторыі Беларусі расце як пустазелле на палях (у прапашных культурах), аблогах, агародах, каля дарог, па берагах рэк. Цвіце ў ліпені—верасні.

Маладыя расліны выкарыстоўваюцца на корм жывёле.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 47. — 160 с. — 2 350 экз.
2. Анненков Н.  (руск.) Ботанический словарь, Спб, 1878
3. Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
4. Шатэрнік М. В. Краёвы слоўнік Чэрвеньшчыны. Мінск, 1929
5. Echinochloa crus-galli (L.) P. Beauv. // U.S. National Plant Germplasm System (англ.)