Лактышы (вадасховішча)

У паняцця ёсць і іншыя значэнні, гл. Лактышы.

Лактышы́ — вадасховішча, размешчанае ў Ганцавіцкім раёне Брэсцкай вобласці і ў Клецкім раёне Мінскай вобласці за 20 км на ўсход ад горада Ганцавічы, каля вёсак Лактышы і Будча. Знаходзіцца на абалоне ракі Лань.

Лактышы
Вадасховішча Лактышы, бераг з боку Клецкага раёна, 2009 год
Каардынаты: 52°47′31″ пн. ш. 26°46′02″ у. д.HGЯO
Размяшчэнне	Беларусь, Брэсцкая вобласць, Мінская вобласць
Вышыня над узроўнем мора	152[1] м
Даўжыня	6 км
Шырыня	4,2 км
Плошча	15,9 км²
Аб'ём	0,0502 км³
Даўжыня берагавой лініі	9,8 км
Найбольшая глыбіня	4,9 м
Плошча вадазбору	940 км²
Год напаўнення	1977
Лактышы
Лактышы
Медыяфайлы на Вікісховішчы

Збудавана ў 1977 годзе для арашэння меліяраваных сельгасугоддзяў і водазабеспячэння рыбнай гаспадаркі «Лактышы».

Катлавіна вадасховішча з'яўляецца часткай забалочанай поймы ракі Лань. Плошча паверхні складае 19,5 км². Даўжыня 6 км, найбольшая шырыня 4,2 км, даўжыня агараджальнай дамбы 9,8 км. Найбольшая глыбіня 4,9 м. Аб'ём вады 50,2 млн м³. Дно плоскае, глеістае. Ваганні ўзроўню вады на працягу года складаюць 2 метры. Вада ў вадасховішча падаецца з рэк Лань і Нача праз шлюзарэгулятар каля вёскі Лактышы.

На паўночным беразе знаходзіцца вёска Лактышы, на паўднёвым — Будча.

Галерэя

• 
  Лактышы раніцай
• 
  Лактышы ўдзень
• 
  Камары-"анёлы" ноччу над Лактышамі

Зноскі

1. Республика Беларусь. Атлас охотника и рыболова: Минская область / Редактор Г. Г. Науменко. — Мн.: РУП «Белкартография», 2009. — С. 30. — 60 с. — 20 000 экз. — ISBN 978-985-508-174-7. (руск.)