Ларыса Фёдараўна Кузняцова

Ларыса Фёдараўна Кузняцова (нар. 27 красавіка 1958, Гомель) — беларускі палітык і дзяяржаўны дзеяч.

Ларыса Фёдараўна Кузняцова
Нараджэнне	27 красавіка 1958(1958-04-27) (67 гадоў) Гомель, Гомельская вобласць, Беларуская ССР, СССР
Адукацыя	Гомельскі дзяржаўны ўніверсітэт імя Францыска Скарыны
Узнагароды	ганаровая грамата Нацыянальнага сходу Рэспублікі Беларусь

У Вікіпедыі ёсць артыкулы пра іншых людзей з прозвішчам Кузняцова.

Біяграфія

Скончыла Гомельскі дзяржаўны ўніверсітэт, гісторык. Працоўную дзейнасць пачала лабарантам кафедры хіміі Гомельскага дзяржаўнага ўніверсітэта. Працавала старшай піянерважатай, настаўнікам гісторыі сярэдняй школы № 39 горада Гомеля, загадчыкам сектара ўліку і фінансаў Гомельскага райкама ЛКСМБ, адказным сакратаром Гомельскай раённай арганізацыі таварыства «Веды», інструктарам ідэалагічнага аддзела Гомельскага райкама КПБ. З’яўлялася дырэктарам па вучэбна-выхаваўчай рабоце Урыцкай сярэдняй школы, дырэктарам Красненскай сярэдняй школы Гомельскага раёна, дырэктарам сярэдняй школы № 33 горада Гомеля. Займала пасады намесніка кіраўніка адміністрацыі Савецкага раёна горада Гомеля, начальніка аддзела адукацыі Гомельскага гарвыканкама.

Выбіралася дэпутатам Палаты прадстаўнікоў Нацыянальнага сходу Рэспублікі Беларусь трэцяга і чацвёртага скліканняў^[1].

Узнагароды

Узнагароджана Ганаровай граматай Нацыянальнага сходу Рэспублікі Беларусь^[2].

Зноскі

1. КУЗНЕЦОВА ЛАРИСА ФЕДОРОВНА Архівавана 5 снежня 2020.
2. ПАРЛАМЕНТ- Нацыянальны сход Рэспублікі Беларусь трэцяга склікання Архівавана 16 верасня 2020.