Лашкевічы

Лашкевічы — шляхецкі род беларускага паходжання. Бярэ пачатак ад Івана Лашкі, які ў 1563 годзе быў нададзены правамі на зямлю вялікім князём літоўскім і каралём польскім Жыгімонтам II Аўгустам. Украінская галіна паводле дакументаў, вядзе свой род ад беларускага выхадца Іллі Лашкевіча, які перасяліўся ў Старадуб з Рэчыцкага павета ў 1679 годзе. Або ад казака Старадубскага палка Ціхана (Цішка) Гаўрылавіча, па мянушцы Лашко^[1].

Лашкевічы
Ляліва
Дэвіз(ы)	Tendite in astra viri (наперад да зорак)
Роданачальнік	Іван Лашка
Падданства	Рэч Паспалітая
Прызнаныя ў	Рэч Паспалітая Расійская Імперыя

Род занесены ў VI частку Дваранскай радаслоўнай кнігі Чарнігаўскай губерні Расійскай імперыі^[2], а таксама у Спіс дваранскіх родаў Магілёўскай губерні^[3].

Апісанне герба

Харугва з гербам Ляліва

Лашкевічы з’яўляюцца прадстаўнікамі герба Ляліва.

У блакітным полі знаходзіцца залатая шасцігранная зорка, пад якой — месяц рагамі ўверх, зроблены з таго ж металу. На шчыце размешчаны дваранскі каранаваны шлем. Нашлемнік: паўлінавыя пёры, на якіх відаць зорку з месяцам. Намёт на шчыце блакітны, падкладзены золатам. Герб роду Лашкевічаў унесены ў 7 частку Агульнага гербоўніка дваранскіх родаў Расійскай імперыі на старонцы 161.

Зноскі

1. http://www.mglin-krai.ru/chernigovskaya-guberniya/350-metsenat-i-blagotvoritel-stepan-artemevich-lashkevich#_Toc501457919
2. https://ru.wikipedia.org/wiki/Список_дворянских_родов_Черниговской_губернии#VI_часть
3. Спіс дваранскіх родаў Магілёўскай губерні