Леанід Аляксандравіч Аляшкевіч

У Вікіпедыі ёсць артыкулы пра іншых людзей з прозвішчам Аляшкевіч.

Леанід Аляксандравіч Аляшкевіч (8 красавіка 1941, г. п. Любча, Навагрудскі раён, Гродзенская вобласць — 4 верасня 2017) — беларускі ўрач-гігіеніст. Доктар медыцынскіх навук (1986), прафесар (1995).

Леанід Аляксандравіч Аляшкевіч
Дата нараджэння	8 красавіка 1941(1941-04-08)
Месца нараджэння	Любча, Любчанскі раён, Баранавіцкая вобласць, Беларуская ССР, СССР
Дата смерці	4 верасня 2017(2017-09-04) (76 гадоў)
Грамадзянства	СССР  Беларусь
Род дзейнасці	навуковец, выкладчык універсітэта, урач
Навуковая сфера	гігіена
Месца працы	БДМУ
Навуковая ступень	доктар медыцынскіх навук[1] (1986)
Навуковае званне	прафесар (1995)[1]
Альма-матар	Харкаўскі медыцынскі інстытут (1965)
Узнагароды

Біяграфія

Скончыў Харкаўскі дзяржаўны медыцынскі інстытут (1965).

Працаваў у Сквірскай раённай санітарна-эпідэміялагічнай станцыі, Кіеўская вобласць (1965—1966, санітарны ўрач); Кіеўскай абласной санітарна-эпідэміялагічнай станцыі (1966—1968, санітарны ўрач); Кіеўскім навукова-даследчым інстытуце агульнай і камунальнай гігіены (1968—1988; у 1975—1988 — кіраўнік лабараторыі па гігіенічным вывучэнні механічных фактараў навакольнага асяроддзя); Беларускім дзяржаўным медыцынскім універсітэце (1988—2013; прафесар, у 1988—2013 — загадчык кафедры гігіены працы з курсам камунальнай гігіены).

Памёр 4 верасня 2017 года, пахаваны на радзіме.

Навуковыя інтарэсы: ацэнка ўзроўню шуму ва ўмовах вытворчасці і побыту; гігіенічная ацэнка фактараў асяроддзя пражывання і распрацоўка асноўных напрамкаў прафілактыкі іх неспрыяльнага дзеяння на арганізм чалавека ў вытворчых умовах і ва ўмовах пражывання ў населеных месцах.

Узнагароды

Знак «Выдатнік аховы здароўя» (1967).

Зноскі

1. http://unicat.nlb.by/opac/pls/dict.prn_ref?tu=r&tq=v0&name_view=va_aall&a001=BY-SEK-179678&strq=l_siz=20