Леанід Вікенцьевіч Валадзько

У Вікіпедыі ёсць артыкулы пра іншых людзей з прозвішчам Валадзько.

Леанід Вікенцьевіч Валадзько (2 студзеня 1928, в. Баравое, Дзяржынскі раён — 29 верасня 1978) — беларускі фізік-эксперыментатар. Акадэмік Акадэміі навук БССР (1977; член-карэспандэнт з 1969), доктар фізіка-матэматычных навук (1966), прафесар (1967). Заслужаны дзеяч навукі БССР (1971)^[1].

Леанід Вікенцьевіч Валадзько
Дата нараджэння	2 студзеня 1928(1928-01-02)
Месца нараджэння	Баравое, Бараўскі сельсавет, Койданаўскі раён, Менская акруга, Беларуская ССР, СССР
Дата смерці	29 верасня 1978(1978-09-29) (50 гадоў)
Грамадзянства	СССР
Род дзейнасці	фізік
Навуковая сфера	Фізіка
Месца працы	Беларускі дзяржаўны ўніверсітэт
Навуковая ступень	доктар фізіка-матэматычных навук
Навуковае званне	акадэмік АН БССР, прафесар
Альма-матар	фізіка-матэматычны факультэт БДУ
Навуковы кіраўнік	А. Н. Сеўчанка
Партыя	КПСС
Прэміі
Узнагароды

Біяграфія

Валадзько нарадзіўся ў сялянскай сям’і. У 1953 годзе скончыў фізіка-матэматычны факультэт БДУ і паступіў у аспірантуру, па заканчэнні якой застаўся працаваць ва ўніверсітэце. У 1962—1963 гадах займаў пасаду дэкана факультэта, у 1963 годзе ўзначаліў кафедру спектральнага аналізу, адначасова з 1966 года быў прарэктарам БДУ па навуковай працы^[1].

Валадзько быў членам КПСС з 1959 года.

Навуковая дзейнасць

Работы па малекулярнай спектраскапіі і люмінесцэнцыі^[1]. Даследаваў злучэнні шасцівалентнага ўрану. Вывучаў працэсы ўтварэння прасторавых структур і ўзнікнення электраправоднасці фенольных палімераў. Распрацаваў метад статыстычнай рэгістрацыі кінэтыкі люмінесцэнцыі. Даследаваў будову вадкіх крышталяў  (руск.) метадам інфрачырвонага дыхраізму  (руск.)^[1][2].

Публікацыі

Аўтар больш за 120 навуковых прац, 14 вынаходніцтваў^[2].

• Л. В. Володько и др. Исследование деполяризации флуоресценции при затухании методом многоканального временного анализа. // Опт. и спектр. — 1974. — Т. 37. — № 4.
• Л. В. Володько и др. Поляризованная люминесценция кристаллов ураниловых соединений при температуре жидкого гелия. // Изв. АН СССР. Серия физическая. — 1975. — Т. 39. — № 11.
• Л. В. Володько, М. А. Ксенофонтов, И. Д. Феранчук. О взаимосвязи между электрическими и парамагнитными характеристиками полимеров с системой сопряжения. // Доклады АН БССР. — 1975. — Т. 19. — № 11.
• Л. В. Володько, Е. Ф. Титков, А. П. Зажогин. К вопросу о природе флуоресцентного состояния в комплексных ураниловых соединениях. // Журн. прикл. спектр. — 1977. — Т. 27. — № 3.
• Л. В. Володько, М. Р. Последович. Изучение ИК дихроизма колебательных полос жидких кристаллов в различных фазовых состояниях. // Журн. прикл. спектр. — 1977. — Т. 27. — № 4.
• Л. В. Володько, А. И. Комяк, Д. С. Умрейко. Ураниловые соединения. — Минск: Изд-во БГУ, 1981.

Узнагароды і званні

• Дзяржаўная прэмія БССР 1974 года за даследаванні будовы вадкіх крышталёў метадам інфрачырвонага дыхраізму
• Ордэн Працоўнага Чырвонага Сцяга
• Ордэн Дружбы народаў
• Заслужаны дзеяч навукі БССР (1971)

Зноскі

1. Володько Леонид Викентьевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 122. — 737 с.
2. Акадэмік ВАЛАДЗЬКО Леанід Вікенцьевіч (руск.)