Фізіка-матэматычны факультэт БДУ

Фізіка-матэматычны факультэт БДУ — колішні факультэт Беларускага дзяржаўнага ўніверсітэта, які існаваў у 1933—1958 гадах. Рэарганізаваны ў фізічны факультэт БДУ і матэматычны факультэт БДУ.

Фізіка-матэматычны факультэт БДУ
БДУ
Заснаваны	1933
Закрыты	1958

Гісторыя

• У 1922 годзе на педагагічным факультэце Беларускага дзяржаўнага ўніверсітэта было адкрыта фізіка-матэматычнае аддзяленне.
• У 1933 годзе фізіка-матэматычнае аддзяленне было ператворана ў фізіка-матэматычны факультэт.
• У 1934 годзе факультэт уключаў у сябе кафедры матэматыкі, фізікі, механікі.^[1]
• 1 студзеня 1936 года замест кафедры матэматыкі арганізаваны дзве: кафедра геаметрыі і кафедра аналізу.^[2]
• У 1937 годзе створана кафедра тэарэтычнай механікі.^[3]
• У 1938 годзе замест кафедры фізікі створаны наступныя кафедры: агульнай фізікі (загадчык — дацэнт І. Г. Некрашэвіч), тэарэтычнай фізікі (загадчык — дацэнт Ф. І. Фёдараў), рэнтгенафізікі (загадчык — дацэнт І. П. Шапіра), электрамагнітных ваганняў (загадчык — прафесар Я. В. Сняткоў).^[4] Створаны кафедры дыферэнцыяльных ураўненняў, вышэйшай алгебры, тэорыі функцый.^[5]
• На 1 студзеня 1941 года фізіка-матэматычны факультэт меў наступныя кафедры: вышэйшай алгебры, вышэйшай геаметрыі, матэматычнага аналізу, дыферэнцыяльных ураўненняў, тэорыі функцый, тэарэтычнай механікі, агульнай фізікі, тэарэтычнай фізікі, металафізікі.^[6] З-за вайны і акупацыі Мінска фізіка-матэматычны факультэт спыніў працу.
• З верасня 1943 года па лета 1944 года факультэт функцыянаваў на станцыі Сходня Маскоўскай вобласці. 1 жніўня 1943 прафесар І. М. Гельфанд прызначаны выконваючым абавязкі загадчыка кафедры матэматычнага аналізу. 4 верасня 1943 праф. М. Я. Набокаў прыступіў да выканання абавязкаў загадчыка кафедры тэарэтычнай механікі і астраноміі. 12 верасня 1943 дацэнт Ф. І. Фёдараў залічаны выконваючым абавязкі загадчыка кафедры агульнай фізікі. 24 верасня 1943 А. М. Нахімаўская прыступіла да выканання абавязкаў дацэнта кафедры матэматыкі. 1 кастрычніка 1943 пачаліся заняткі на фізіка-матэматычным факультэце. 20 кастрычніка 1943 праф. А. М. Лопшыц залічаны на пасаду загадчыка кафедры геаметрыі.^[7]
• 11 жніўня 1944 ў Мінск са ст. Сходня прыбыла першая група студэнтаў універсітэта — 26 чалавек. Пачаліся работы па аднаўленні БДУ. 1 кастрычніка 1944 залічаны загадчыкамі кафедр: І. М. Гельфанд (кафедра матэматычнага аналізу), А. М. Лопшыц (кафедра геаметрыі), Н. У. Ламбін (кафедра тэорыі функцый).^[8]
• У 1947 годзе на факультэце існавалі дзве матэматычныя кафедры: алгебры і геаметрыі, матэматычнага аналізу.^[9]
• У 1953 годзе арганізаваны кафедра спектральнага аналізу^[10] і кафедра фізічнай оптыкі.^[11]
• У 1957 годзе створаны кафедра вылічальнай матэматыкі^[12] і кафедра фізікі цвёрдага цела.^[13]
• У кастрычніку 1958 года фізіка-матэматычны факультэт БДУ быў падзелены на два самастойныя факультэты — фізічны і матэматычны.

Выпускнікі

Лаўрэаты Ленінскай прэміі і Дзяржаўнай прэміі СССР

Выпускнікі фізіка-матэматычнага аддзялення педагагічнага факультэта БДУ

• Л. А. Арцымовіч
• А. Н. Сеўчанка
• Ф. І. Фёдараў

Выпускнікі фізіка-матэматычнага факультэта БДУ

• М. А. Барысевіч
• А. С. Рубанаў

Акадэмікі Нацыянальнай акадэміі навук Беларусі

• Ф. І. Фёдараў
• Л. І. Кісялеўскі
• Б. Б. Бойка
• Б. В. Бокуць
• У. А. Піліповіч
• Л. В. Валадзько
• П. А. Апанасевіч
• А. С. Рубанаў
• В. С. Буракоў
• А. М. Ганчарэнка
• Г. П. Гурыновіч
• С. С. Шушкевіч

Дэканы

Педагагічны факультэт

• 1922—1924 — Іосіф Сцяпанавіч Пятосін, загадчык фізіка-матэматычнага і прыродазнаўчага аддзяленняў
• 1924—1931 — Яўген Канстанцінавіч Успенскі, загадчык фізіка-матэматычнага і прыродазнаўчага аддзяленняў

Фізіка-матэматычны факультэт

• 1931—1935 — Яўген Канстанцінавіч Успенскі
• 1935—1936 — Арон Вульфавіч Гельфанд^[14]
• 1936—1939 — Іосіф Пінхусавіч Шапіра^[15]
• 1939—1941 — Рыгор Наумавіч Сагаловіч^[16]
• 1943—1950 — Фёдар Іванавіч Фёдараў
• 1950—1951 — Станіслаў Антонавіч Пахута^[17]
• 1951—1957 — Міхаіл Панцялеевіч Халімановіч^[18]
• 1957—1958 — Дзмітрый Аляксеевіч Супруненка