Леніна (археалагічны помнік, Добрушскі раён)

У паняцця ёсць і іншыя значэнні, гл. Леніна.

У паняцця ёсць і іншыя значэнні, гл. Гарадок (значэнні).

Леніна (мясцовая назва — Гарадок) — археалагічны помнік, гарадзішча мілаградскай культуры за 3,5 км на паўночны захад ад в. Леніна (Добрушскі раён, Гомельская вобласць), на левым беразе ручая Гараджанка (прыток р. Вуць), ва ўрочышчы Дубіно. Датуецца VII—I стст. да н.э.

Гарадзішча
Леніна
Краіна	Беларусь
Дата заснавання	VII

Пляцоўка чатырохвугольная, плошчай 550 м², абкружана 2 валамі (вышыня ўнутранага 2,5 м, знешняга — 1,5 м). У 1983 г. С. Я. Рассадзін даследаваў 100 м² у паўночна-заходняй частцы пляцоўкі. Культурны пласт 0,4—1 м. Знойдзены рэшткі керамікі (рэканструяваны невялікі гаршчок з яйкападобным тулавам), гліняныя посудападобныя грузікі, біканічныя прасліцы (адно ўпрыгожана арнаментам у выглядзе заштрыхаваных трохвугольнікаў), гліняная форма для адліўкі бронзавага бранзалета латэнскага тыпу.

Літаратура

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 313В000265

• Рассадзін, С. Я. Леніна // Археалогія Беларусі: энцыклапедыя. У 2 т. / [склад. Ю. У. Каласоўскі; рэдкалегія: Т. У. Бялова (гал. рэд.) і інш.]. — Мінск: Беларуская Энцыклапедыя імя П. Броўкі, 2011. — Т. 2: Л—Я. — С. 12. — 464 с. — ISBN 978-985-11-0549-2.

Спасылкі

• Леніна (археалагічны помнік, Добрушскі раён) на сайце «Архіварта»