Лешак Чорны

У Вікіпедыі ёсць артыкулы пра іншых людзей з прозвішчам Чорны.

Лешак Чорны (польск.: Leszek Czarny; каля 1241 — 30 верасня 1288) — прадстаўнік дынастыі Пястаў, адзін з польскіх князёў перыяду феадальнай раздробненасці.

Лешак Чорны
Leszek Czarny
Уяўны партрэт XIX стагоддзя
Князь Польшчы 1279 — 1288
Папярэднік	Баляслаў V Сарамлівы
Пераемнік	Генрых IV Пробус
Нараджэнне	1241(1241) Брэст-Куяўскі
Смерць	30 верасня 1288(1288-09-30) Кракаў
Род	Пясты
Бацька	Казімір Куяўскі
Маці	Канстанцыя Уроцлаўская
Жонка	Агрыпіна Расціслаўна
Медыяфайлы на Вікісховішчы

Лешак быў унукам Конрада Мазавецкага, сынам Казіміра I Куяўскага і Канстанцыі Уроцлаўскай, і братам Уладзіслава Лакетка. Ён быў князем серадзкім (з 1261), ленчыцкім (з 1267), інаўроцлаўскім (у 1273—1278 гг.), кракаўскі і сандамірскім (з 1279).

У 1265 годзе Лешак Чорны ажаніўся з Агрыпінай Расціслаўнай (пам. 1305), дачкой Расціслава Славанскага і Ганны Венгерскай. У 1271 Агрыпіна падала на развод, абвінаваціўшы мужа ў імпатэнцыі. Дзяцей у іх не было.

Агрыпіна і Лешак, карціна Яна Матэйкі, 1879

У 1287 ва ўладанні Лешак ўварваліся нагайцы пад правадырствам Кара-Нагай-хана, аднак узяць Кракаў не змаглі. Сам князь тым часам хаваўся ў Венгрыі.

Лешак Чорны сканаў у Кракаве, дзе і быў пахаваны.