Лотас

Ло́тас (Nelumbo) — род двухдольных раслін, адзіны прадстаўнік сямейства Лотасавыя (Nelumbonaceae).

Лотас
Лотас арэханосны (Nelumbo nucifera)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Proteales Сямейства:  Лотасавыя Род:  Лотас
Міжнародная навуковая назва
Nelumbo Adans.
Сістэматыка на Віківідах Выявы на Вікісховішчы ITIS   18397 NCBI   4430 EOL   72834 GRIN   g:8035 IPNI   28000-1 FW   55300

Апісанне

Шматгадовыя буйныя водныя, часам земнаводныя травы з развітым карэнішчам. Надводнае лісце буйное, шчытападобнае, доўгачаранковае, высока ўзнімаецца над вадой, тое, што плавае, — крутлявае, плоскае, падводнае — сядзячае, лускападобнае. Тканкі з вялікімі паветраноснымі лопасцямі. Кветкі дыяметрам да 30 см, ружовыя або жоўтыя, адзіночныя, на доўгіх кветаносах. Пялёсткі і тычынкі шматлікія. Плод — шматарэшак. Насенне захоўвае ўсходжасць да некалькіх тысяч гадоў.

Распаўсюджанне

Зараснікі лотаса ў Індыі

Рэлікт трацічнага перыяду. Лотас арэханосны (Nelumbo nucifera) сустракаецца ў Паўднёвай Еўропе (напрыклад, дэльта ракі Волга), Паўднёва-Усходняй Азіі і Паўночна-Усходняй Аўстраліі. Лотас жоўты (Nelumbo lutea) — у Паўночнай і Цэнтральнай Амерыцы. У Індыі, Карэі, Кітаі, Японіі культывуецца.

Віды

Паводле інфармацыі базы дадзеных The Plant List род Лотас аб'ядноўвае тры віды^[1]:

• Nelumbo nucifera Gaertn. (1788)
• Nelumbo lutea Pers. (1807)
• Nelumbo pentapetala (Walter) Fernald (1934)

Выкарыстанне

Усе часткі расліны маюць у сабе вітамін C і каўчух, у чаранках і праростках — ядавітае рэчыва нелюмбін. Насенне і карэнішча ўжываюцца ў ежу і на корм жывёле. Харчовыя, лекавыя і кулыавыя расліны; старажытная культура народаў Паўднёвай і Паўднёва-Усходняй Азіі, амерыканскіх індэейцаў.

Зноскі

1. Спіс відаў рода Nelumbo(недаступная спасылка): інфармацыя ў базе дадзеных The Plant List. (Праверана 31 ліпеня 2011)