Луцаўшчына

Лу́цаўшчына^[1] (трансліт.: Lucaŭščyna, руск.: Луцевщина) — былая вёска ў Лагойскім раёне Мінскай вобласці. Уваходзіла ў склад Лагойскага сельсавета.

Вёска Луцаўшчына Краіна Беларусь Вобласць Мінская Раён Лагойскі Сельсавет Лагойскі Каардынаты 54°11′55″ пн. ш. 27°51′53″ у. д.HGЯO СААТА 6232846031 Луцаўшчына Луцаўшчына

12 верасня 2007 года скасавана (увайшла ў склад Лагойска)^[2].

Гісторыя

Расійская імперыя

У канцы XVIII — пачатку XIX ст. фальварак, уласнасць Тышкевічаў. Паводле рэвізіі 1833 года фальварак у складзе маёнтка Лагойск, у Барысаўскім павеце Мінскай губерні. Паводле інвентара 1844 года у фальварку Луцаўшчына разьмяшчаліся гаспадарчы драўляны на каменным падмурку будынак, жылы дом, свіран, малатарня, клець, вадзяны млын, лесапільня, бровар, 2 лядоўні, шэраг гаспадарчых пабудоў, у тым ліку ёўня. Налічвалася 200 галоў рагатай жывёлы, 100 коней, 90 свіней. Да фальварка адносілася 400 моргаў раллі і 150 моргаў сенажаці. У 1886 годзе у фальварку дзейнічаў бровар.

Найноўшы час

На пачатку XX cт. на базе фальварка створаны саўгас «Луцаўшчына». 3 20 жніўня 1924 года - вёска ў Лагойскім сельсавеце Лагойскага раёна Менскай акругі. У 1935 годзе працавала кузня, сталярная майстэрня, цыркулярная піла. 12 верасня 2007 года ўвайшла у склад Лагойска.

Зноскі

1. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. Перечень наименований географических объектов, прекративших своё существование за 1997—2008 гг. Архівавана 20 красавіка 2022.