Любекскі ўніверсітэт

Любекскі ўніверсітэт (ням.: Universität zu Lübeck) — нямецкая дзяржаўная вышэйшая навучальная ўстанова са статусам універсітэта з сядзібай у горадзе Любек.

Любекскі ўніверсітэт
ням.: Universität zu Lübeck
Арыгінальная назва	ням.: Universität zu Lübeck
Міжнародная назва	англ.: University of Lübeck
Заснаваны	1964
Студэнты	5 968[1]
Краіна	Германія
Размяшчэнне	Любек
Сайт	uni-luebeck.de
Медыяфайлы на Вікісховішчы

Агульная характарыстыка

Універсітэт у Ганзейскім горадзе Любек створаны ў 1964 годзе шляхам выдзялення другой медыцынскай школы Кільскага ўніверсітэта ў самастойную ВНУ. Кампус універсітэта размешчаны на поўдзень ад горада, у раёне Сэнт-Юрген. Некаторыя інстытуты размешчаны за межамі кампуса ў Старым горадзе Любека.

У 1964 годзе ВНУ была заснавана як Любекская медыцынская акадэмія, якая стала Любекскім медыцынскім універсітэтам з 1985 года. Цяперашнюю назву ўніверсітэт атрымаў у 2002 годзе.

Ва ўніверсітэце працуюць 150 прафесараў і 100 прыват-дацэнтаў. Універсітэцкая клініка Любека была аб'яднаная з Універсітэцкай клінікай Кіля ва Універсітэцкую клініку Шлезвіг-Гольштэйна ў 2003 годзе і, такім чынам, стала другой па велічыні універсітэцкай клінікай Германіі. З больш чым 5 300 супрацоўнікамі універсітэт і клініка з'яўляюцца аднымі з найбуйнейшых працадаўцаў ў рэгіёне.

Зноскі

1. Statistisches Bundesamt Deutschland - GENESIS-Online Праверана 8 чэрвеня 2023.

   <a href='https://wikidata.org/wiki/Track:Q110063591'></a>