Любжынскае

Любжынскае возера — возера ва Ушацкім раёне Віцебскай вобласці Беларусі, на мяжы з Бешанковіцкім раёнам. Знаходзіцца за 30 км на ўсход ад Ушачаў, каля вёскі Любжына, за 4 км на паўднёвы ўсход ад вёскі Дубраўка. Належыць да групы Ушацкіх азёр.

Любжынскае возера
Морфаметрыя
Вышыня над узроўнем мора	136,7[1] м
Даўжыня	2,32 км
Шырыня	0,25 км
Плошча	0,46 км²
Аб’ём	0.00197 км³
Даўжыня берагавой лініі	5,3 км
Найбольшая глыбіня	10,3 м
Басейн
Плошча вадазбору	4 км²
Размяшчэнне
Краіна	Беларусь
Любжынскае возера
Любжынскае возера

Возера знаходзіцца ў басейне ракі Тураўлянка. Плошча паверхні складае 0,46 км². Найбольшая глыбіня возера 10,3 м. Даўжыня 2,32 км, найбольшая шырыня 0,25 км. Даўжыня берагавой лініі 5,3 км. Аб’ём вады ў возеры складае 1,97 млн м³, плошча вадазбору 4 км².

Катлавіна возера выцягнутая ў напрамку з паўднёвага захаду на паўночны ўсход. Схілы катлавіны маюць вышыню 5—7 м. У ніжняй частцы схілы парослыя хмызняком, у верхняй — разараныя. Берагі возера зліваюцца з схіламі. Дно вадаёма да глыбіні 1,5—2 м высланае пяском, на большых глыбінях — глеем. Шырыня паласы прыбярэжнай надводнай расліннасці складае да 15 м. Расліннасць пашыраныя ў возеры да глыбіні 2 м.

З Любжынскага возера выцякае ручай у возера Паўазер’е. У возеры водзяцца шчупак звычайны, лешч, акунь, плотка, карась.

Зноскі

1. Ліст карты N-35-35. Выданне 1991 г. Стан мясцовасці на 1987 г. (руск.)