Людміла Валер’еўна Шмат

У Вікіпедыі ёсць артыкулы пра іншых людзей з прозвішчам Шмат.

Людміла Валер'еўна Шмат (нар. 3 чэрвеня 1976, Пінск) — беларускі дзяржаўны дзеяч. Член Пастаяннай камісіі Савета Рэспублікі Нацыянальнага сходу Рэспублікі Беларусь па эканоміцы, бюджэце і фінансах. Выбрана членам Савета Рэспублікі Нацыянальнага сходу Рэспублікі Беларусь пятага склікання ад Брэсцкай вобласці (вылучана ад г. Пінска).

Людміла Валер’еўна Шмат
Нараджэнне	3 чэрвеня 1976(1976-06-03) (49 гадоў) Пінск, Брэсцкая вобласць, Беларуская ССР, СССР
Адукацыя	Брэсцкі дзяржаўны ўніверсітэт імя А. С. Пушкіна

Біяграфія

Скончыла Брэсцкі дзяржаўны ўніверсітэт па спецыяльнасці педагогіка і псіхалогія; Пінскі дзяржаўны вышэйшы банкаўскі каледж Нацыянальнага банка Рэспублікі Беларусь па спецыяльнасці фінансы і крэдыт.

Працавала выхавацельніцай дзіцячага садка № 11 аддзела адукацыі Пінскага гарадскога выканаўчага камітэта, табельшчыкам, эканамістам па планаванні, начальнікам бюро планавання камвольнай фабрыкі адкрытага акцыянернага таварыства «Палессе», г. Пінск, начальнікам планава-эканамічнага аддзела прадзільнай фабрыкі адкрытага акцыянернага таварыства "Пінскае прамыслова-гандлёвае аб'яднанне «Палессе» Брэсцкай вобласці.

Намеснік генеральнага дырэктара па ідэалогіі і сацыяльных пытаннях адкрытага акцыянернага таварыства "Пінскае прамыслова-гандлёвае аб'яднанне «Палессе» Брэсцкай вобласці.