Людміла Фёдараўна Кабашнікава

Людміла Фёдараўна Кабашнікава (нар. 31 жніўня 1956, в. Прылукі, Мінскі раён) — беларускі вучоны ў галіне біяфізікі і біяхіміі раслін. Член-карэспандэнт (2017), доктар біялагічных навук (2009), дацэнт (2003).

Людміла Фёдараўна Кабашнікава
Дата нараджэння	31 жніўня 1956(1956-08-31) (69 гадоў)
Месца нараджэння	Прылукі, Сеніцкі сельсавет, Мінскі раён, Мінская вобласць, Беларуская ССР, СССР
Грамадзянства	СССР  Беларусь
Род дзейнасці	выкладчыца ўніверсітэта, вучоная
Навуковая сфера	біяхімія раслін[d] і біяфізіка
Месца працы	Інстытут біяфізікі і клетачнай інжынерыі НАН Беларусі[1] Цэнтральны батанічны сад Нацыянальнай акадэміі навук Беларусі БДУ Акадэмія Міністэрства ўнутраных спраў Рэспублікі Беларусь БДПУ
Навуковая ступень	доктар біялагічных навук (2009)
Навуковае званне	член-карэспандэнт НАН Беларусі (2017)
Альма-матар	біялагічны факультэт БДУ (1978)
Прэміі	прэмія Нацыянальнай акадэміі навук Беларусі (2013)

Біяграфія

У 1978 годзе скончыла Беларускі дзяржаўны ўніверсітэт імя У. І. Леніна.

З 1978 года — настаўнік сярэдняй школы. З 1979 года у Цэнтральным батанічным садзе АН БССР. З 1981 года — у Беларускім дзяржаўным універсітэце імя У. І. Леніна. З 1986 года — у Інстытуце фотабіялогіі АН БССР: старшы лабарант, навуковы супрацоўнік, старшы навуковы супрацоўнік, вучоны сакратар, з 1999 года — загадчык лабараторыі. Адначасова ў 2010—2015 гадах - прафесар Акадэміі Міністэрства ўнутраных спраў Рэспублікі Беларусь, у 2016—2017 гадах - прафесар Беларускага дзяржаўнага педагагічнага ўніверсітэта імя М. Танка^[2].

Навуковая дзейнасць

Даследаванні па малекулярна-мембраннай біяфізіцы і біяхіміі культурных раслін, распрацоўцы адаптыўных і дыягнастычных тэхналогій для сельскай гаспадаркі. Устанавіла заканамернасці працэсаў фарміравання і функцыянавання фотасінтэтычным апарата (ФСА) хлебных злакаў на розных узроўнях сістэмнай арганізацыі і этапах антагенетычнага развіцця раслін пры дзеянні стрэсавых фактараў. Распрацавала канцэпцыю павышэння прадуктыўнасці і ўстойлівасці раслін хлебных злакаў на аснове аптымізацыі структурна-функцыянальнага стану ФСА. Выявіла малекулярныя механізмы фарміравання імунітэту сельскагаспадарчых раслін, распрацавала і ўкараніла ў вытворчасць біяфізічныя метады дыягностыкі фітапатагенезу і спосабы аховы раслін у закрытым грунце, інавацыйныя прыёмы перадпасяўной апрацоўкі насення сельскагаспадарчых культур пленкаабразуючымі ахоўна-стымулюючымі саставамі.

Аўтар больш за 270 навуковых прац, у тым ліку 3 манаграфій, 5 патэнтаў.

Бібліяграфія

• Function of plastoquinone in heat stress reactions of plants // Biochim. Biophys. Acta. 2008. Vol. 1777, N 11 (у суаўт.).
• Фотосинтетический аппарат и потенциал продуктивности хлебных злаков. Минск, 2011.
• Фотосинтетический аппарат и стресс у растений. Минск, 2014.

Узнагароды

• Прэмія НАН Беларусі (2013) за цыкл прац «Сістэма біясінтэзу хларафіла і фотасінтэтычны апарат як фактары павышэння ўстойлівасці і прадукцыйнасці сельскагаспадарчых культур».

Зноскі

1. Montenegro A. ORCID Public Data File 2023 — 2023. — doi:10.23640/07243.24204912.V1 Праверана 10 лістапада 2023.

   <a href='https://wikidata.org/wiki/Track:Q123508386'></a>
2. КАБАШНІКАВА Людміла Фёдараўна