Лядна (возера)

У паняцця ёсць і іншыя значэнні, гл. Лядна.

Ля́дна — возера ў Беларусі, у Лепельскім раёне Віцебскай вобласці, за 8 км на паўночны ўсход ад горада Лепель, каля аграгарадка Старое Лядна, у басейне ракі Ула.

Лядна
Морфаметрыя
Вышыня над узроўнем мора	147,7[1] м
Даўжыня	1,92 км
Шырыня	0,51 км
Плошча	0,58 км²
Даўжыня берагавой лініі	4,81 км
Найбольшая глыбіня	22,0 м
Сярэдняя глыбіня	7,5 м
Басейн
Плошча вадазбору	14,2 км²
Размяшчэнне
Краіна	Беларусь
Рэгіён	Віцебская вобласць
Лядна
Лядна

Плошча паверхні 0,58 км². Даўжыня 1,92 км, найбольшая шырыня 0,51 км. Найбольшая глыбіня 22,0 м, сярэдняя — 7,5 м. Даўжыня берагавой лініі 4,81 км. Аб’ём вады ў возеры 4,35 млн м³. Плошча вадазбору 14,2 км².

Катлавіна возера выцягнутая ў напрамку з паўночнага ўсходу на паўднёвы захад. Схілы катлавіны вышынёй 12—19 м, разараныя, на ўсходзе і поўначы параслі лесам. Берагі высокія, месцамі зліваюцца са схіламі, на паўночным захадзе пад хмызняком. Дно да глыбіні 1,5—2 м (на поўначы да 6,5 м) выслана пяском, ніжэй — сапрапелем і ілам. Зарастае слаба, расліннасць пашырана да глыбіні 1,5—2 м. Упадае ручай з возера Шчыбат, выцякае ручай у возера Огзіна. Забруджваецца сцёкавымі водамі.

Зноскі

1. Ліст карты N-35-46. Выданне 1980 года. (руск.)