Лясныя пажары ў Паўднёвай Каліфорніі (2025)

Серыя лясных пажараў ў акрузе Лос-Анджэлес пачалася 7 студзеня 2025 года. Ад стыхіі пацярпелі агламерацыя Лос-Анджэлеса і прылеглыя раёны^[14]. Пажары пагаршаліся вельмі нізкай вільготнасцю^[15], працяглай засухай^[16] і ўраганнымі вятрамі Санта-Ана^[17], хуткасць якіх у некаторых месцах перавышала 130 км/гадзіну^[18].

Лясныя пажары ў Паўднёвай Каліфорніі
Від на Палісадскі агонь з універсітэцкага гарадка UCLA, 7 снежня 2024 г
Краіна	ЗША
Месцазнаходжанне	акруга Лос-Анджэлес[1] акруга Вентура[1] Сан-Бернардзіна[2][3] акруга Рыверсайд[4] акруга Сан-Дыега[3] акруга Санта-Барбара[3] акруга Сан-Луіс-Абіспа[5]
Дата пачатку	7 студзеня 2025
Дата заканчэння	31 студзеня 2025
Плошча	23 324 га[6]
Апісана на сайце	ca.gov/lafires/
Спрыяльным фактарам з’яўляецца	Santa Ana winds[d][7][8], drylands[d][9], засуха[8], глабальнае пацяпленне, flaw[d][10][11][…] і ember attack[d][12][13]
Медыяфайлы на Вікісховішчы

Ход падзей

7 студзеня губернатар Каліфорніі Гэвін Ньюсам абвясціў надзвычайнае становішча. Станам на 8 студзеня ў выніку лясных пажараў загінула пяць чалавек, было пашкоджана больш за 2000 будынкаў^[19] і больш за 100 000 чалавек былі вымушаныя эвакуявацца^[20]. Па прыблізных даных, шкода ад лясных пажараў перавышае $50 млрд.^[21]

У прэстыжным раёне Пасіфік-Палісейдс, дзе пражывалі многія кіназоркі, знішчана каля 1 тыс. дамоў^[22].

Пажарныя прызналі, што яны былі ашаломленыя сілай і маштабамі буйных пажараў. Яны сутыкнуліся з недахопам вады ў некаторых гідрантах на ўзвышшах у Пасіфік-Палісейдс. Дэпартамент водных рэсурсаў і энергетыкі заявіў, што праблема ўзнікла з-за беспрэцэдэнтнай нагрузкі на сістэму. Мясцовыя ўлады запыталі дапамогу пажарных з суседніх акругаў, таксама на падмогу ім накіравалі супрацоўнікаў экстранных службаў з іншых штатаў. Губернатар Каліфорніі Гэвін Ньюсам мабілізаваў больш за 7,5 тыс. пажарных і ратавальнікаў для абароны насельніцтва^[22].

8 студзеня Прэзідэнт ЗША Джо Байдэн абвясціў аб увядзенні рэжыму маштабнага стыхійнага бедства ў Каліфорніі^[22].

На спадарожнікавых здымках, апублікаваных 10 студзеня, паказаны маштабы разбурэнняў, выкліканых пажарам у Пасіфік-Палісейдс. Берагавая лінія ўздоўж раёна Малібу выгарэла дашчэнту. На здымках таксама выразна відаць, як агонь разбурыў цэлыя кварталы ў Лос-Анджэлесе. Да гэтага часу ў выніку пажараў загінулі дзесяць чалавек. Знішчана па меншай меры 10 тыс. будынкаў, уключаючы дамы, шматкватэрныя будынкі, прадпрыемствы, гаспадарчыя пабудовы. Дзясяткі кварталаў ператварыліся ў руіны^[23].

Пяць ачагоў пажару — у раёнах Палісейдс, Ітан, Кенет, Херст і Лідзія — па-ранейшаму заставаліся актыўнымі^[24]. Да 12 студзеня загінула 24 чалавекі^[25]. На 31 студзеня пажары ліквідаваны, а колькасць ахвяр узрасла да 29 чалавек^[26].

Крытыка ўладаў

Мясцовыя ўлады сутыкнуліся з жорсткай крытыкай у сувязі з нездавальняючай рэакцыяй на крызіс. Асабліва пад удар трапіла мэр горада Карэн Бас, на якую ўскладалі адказнасць за дрэнную працу пажарных гідрантаў^[27]. Прэтэнзіі да мэра выказвалі і праз тое, што горад сёлета скараціў бюджэт пажарнай службы на $17,6 млн з амаль $820 млн^[24].

У серыі пастоў на сваёй платформе Truth Social абраны прэзідэнт Дональд Трамп абвінаваціў губернатара Каліфорніі Гэвіна Ньюсама ў тым, што палітыка штата ў галіне кіравання воднымі рэсурсамі стала прычынай недахопу вады для тушэння пажараў. Паводле яго слоў, губернатар надаваў занадта мала падрыхтоўцы да надзвычайных сітуацыях. Трамп сцвярджаў, што пажарныя гідранты ў раёне Пасіфік-Палісейдс апынуліся пустымі менавіта з гэтай прычыны^[28].

Між тым старэйшы ягоны сын Дональд Трамп-малодшы напісаў у сацсетцы Х, што перадача пажарнай службай Лос-Анджэлеса свайго абсталявання Украіне магла негатыўна адбіцца на гатоўнасці ратавальнікаў^[24].