Ляшчына

Ляшчына, арэшнік^[2] (Corylus) — род кветкавых раслін.

Ляшчына
Лісце і арэхі ляшчыны звычайнай
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Букакветныя Сямейства:  Бярозавыя Падсямейства:  Ляшчынавыя Род:  Ляшчына
Міжнародная навуковая назва
Corylus L.
Тыпавы від
Ляшчына звычайная (Corylus avellana)[1]
Сістэматыка на Віківідах Выявы на Вікісховішчы ITIS   19505 NCBI   13450 EOL   29892 GRIN   g:2962 IPNI   13489-1 FW   55296

Батанічнае апісанне

Аднадомныя лістападныя кусты, радзей дрэвы. Лісце простае, чаргаванае, чаранковае. Тычынкавыя кветкі ў павіслых каташках, песцікавыя — у двухкветкавых дыхазіях (развілінах), сабраных у галоўчатыя суквецці. Плод — аднанасенны дравяністы арэх.

Арэал

Адрозніваецца каля 20 відаў. Пашыраны ў лясной зоне Еўразіі і Паўночнай Амерыкі. Культурныя формы (фундук) вырошчваюць 3—4 тыс. гадоў. На Беларусі ляшчына звычайная, або лясны арэх (Corylus avellana) расце ў падлеску і на ўзлесках шыракалістых і мяшаных лясоў.

Значэнне і выкарыстанне

Лекавыя і дэкаратыўныя расліны. У пладах да 70 % алею, які выкарыстоўваецца ў харчовай, кандытарскай, лакафарбавай і медыцынскай прамысловасці, з макухі робяць халву. Драўніна ідзе на дробныя вырабы. 3 кары атрымліваюць фарбавальныя і дубільныя рэчывы. 3 парасткаў плятуць мэблю і інш.

Зноскі

1. Entry for Corylus L. (англ.). NCU-3e. Names in current use for extant plant genera. Electronic version 1.0 (24 верасня 1997). Архівавана з першакрыніцы 9 лютага 2012. Праверана 30 лістапада 2010.
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 41. — 160 с. — 2 350 экз.