Лідзія Андрэеўна Навумава

У Вікіпедыі ёсць артыкулы пра іншых людзей з прозвішчам Навумава.

Лідзія Андрэеўна Навумава (4 красавіка 1933, Новая Беліца, Гомельскі раён — 5 снежня 2022, Талачын, Віцебская вобласць) — беларуская партыйная і гаспадарчая дзяячка, Герой Сацыялістычнай Працы (1971).

Лідзія Андрэеўна Навумава
Род дзейнасці	аграном
Дата нараджэння	4 красавіка 1933(1933-04-04)
Месца нараджэння	Новая Беліца, Гомель, Беларуская ССР, СССР
Дата смерці	5 снежня 2022(2022-12-05) (89 гадоў)
Месца смерці	Талачын, Талачынскі раён, Віцебская вобласць, Беларусь
Месца пахавання	Копці
Грамадзянства	СССР  Беларусь
Альма-матар	Беларуская дзяржаўная сельскагаспадарчая акадэмія (1957)
Узнагароды і прэміі	Ганаровы грамадзянін Талачынскага раёна[d]

Біяграфія

Нарадзілася 4 красавіка 1933 года ў Новай Беліцы.

Працавала аграномам у калгасе «XVIII партз’езд».

У 1957 годзе скончыла Беларускую дзяржаўную сельскагаспадарчую акадэмію.

У 1962 годзе ўзначаліла калгас «Перамога» (з 1977 года — калгас «Імя Леніна») Талачынскага раёна. У яе калгасе пасяўныя плошчы павялічыліся да 3,5 тысячы гектараў. У канцы 1970-х гадоў у гаспадарцы атрымлівалі звыш 40 цэнтнераў збожжавых з гектара, жывёлаводы здавалі па 1,5 тысячы тон свініны за год.

Двойчы абіралася ў Цэнтральны камітэт Камуністычнай партыі Беларусі, 15 гадоў уваходзіла ў склад Саюзнага савета калгасаў, з’яўлялася членам райкама партыі, старшынёй раённага савета жанчын^[1]. Прымала ўдзел у Трэцім і Чацвёртым Усесаюзных з’ездах калгаснікаў.

Памерла 5 снежня 2022 года ў Талачыне.^[1]. Пахавана ў в. Копці Віцебскага раёна.

Узнагароды

Ордэны Леніна, Кастрычніцкай Рэвалюцыі, Працоўнага Чырвонага Сцяга, шматлікія медалямі, з’яўляецца Ганаровай грамадзянкай Талачынскага раёна.

Зноскі

1. Скончалась Герой Социалистического Труда, Почетный гражданин Толочинского района Лидия Андреевна Наумова (нявызн.)(недаступная спасылка). Архівавана з першакрыніцы 6 снежня 2022. Праверана 9 снежня 2022.