Лідзія Емяльянаўна Сіроткіна

Лідзія Емяльянаўна Сіроткіна (нар. 19 мая 1932, в. Замошша, Сенненскага раёна, Віцебскай вобласці — 24 чэрвеня 2015, Мінск) — беларускі аграном, дэпутат Вярхоўнага Савета БССР (1980—1985).

Лідзія Емяльянаўна Сіроткіна
Род дзейнасці	аграном
Дата нараджэння	19 мая 1932(1932-05-19)
Месца нараджэння	Сенненскі раён, Беларуская ССР, СССР
Дата смерці	24 чэрвеня 2015(2015-06-24) (83 гады)
Месца смерці	Мінск, Беларусь
Грамадзянства	СССР  Беларусь
Альма-матар	Беларуская дзяржаўная сельскагаспадарчая акадэмія (1957)
Узнагароды і прэміі

Біяграфія

Скончыла Беларускую сельскагаспадарчую акадэмію (1957). Галоўны аграном калгаса «Першамайскі» Брагінскага раёна (1957—1960), кіраўнік аддзялення саўгаса «Старасельскі» Віцебскага раёна (1960—1961). 3 1961 года — галоўны аграном, сакратар парткама, намеснік старшыні калгаса імя Леніна (да 1977 года — калгас «Перамога»). У 1982—1995 гг. — старшыня калгаса імя Дзімітрава Талачынскага раёна.

Званне Героя Сацыялістычнай Працы (1973) прысвоена за поспехі ў павелічэнні вытворчасці і продажы дзяржаве сельскагаспадарчых прадуктаў.

Дэпутат Вярхоўнага Савета СССР (1974—1979), дэпутат Вярхоўнага Савета БССР, Віцебскага абласнога і Талачынскага раённага Саветаў народных дэпутатаў.

Памерла 24 чэрвеня 2015 года ў Мінску.

Навуковая дзейнасць

Аўтар кнігі «Тры ўраджаі ў год» (1974)^[1].

Узнагароды

• Герой Сацыялістычнай Працы (1973)
• ордэн Леніна
• ордэн Працоўнага Чырвонага Сцяга
• ордэн «Знак Пашаны»

Зноскі

1. Сіроткіна Лідзія Емяльянаўна