Ліліян (герцагіня Халандская)

Прынцэса Ліліян, герцагіня Халландская (шведск.: Lilian; 30 жніўня 1915, Суонсі, Вялікабрытанія — 10 сакавіка 2013, Стакгольм, Швецыя) — член шведскага каралеўскага дома, жонка прынца Бертыля, герцага Халандского (1912—1997), цётка караля Карла XVI Густава, англійская мадэль.

Ліліян
Нараджэнне	30 жніўня 1915(1915-08-30)[1][2] Суонсі, Суонсі[d], Уэльс, Злучанае каралеўства Вялікабрытаніі і Ірландыі
Смерць	10 сакавіка 2013(2013-03-10)[3][1][…] (97 гадоў) Юргордэн, Östermalm city district[d], камуна Стакгольм, лен Стакгольм, Швецыя
Месца пахавання	Кунгліга беграўнінгсплатсен[d]
Род	Бернадоты
Імя пры нараджэнні	англ.: Lillian May Davies
Бацька	William John Davies[d][4]
Маці	Gladys Mary Curran[d][4]
Муж	Ivan Craig[d] і Бертыль[d][5]
Манаграма
Узнагароды
Медыяфайлы на Вікісховішчы

Біяграфія

Ліліян нарадзілася ў Суонсі — другім па велічыні горадзе Уэльса і была дачкой Уільяма Дэвіса і Гледзіс Мэры Курэн. У юнацтве стала працаваць мадэллю і з’явілася на вокладцы часопіса «Vogue». Яе бацькі рассталіся, калі ёй было пяць гадоў. Афіцыйна развод быў зарэгістраваны ў 1939 годзе.

У 1940—1945 гадах яна была замужам за англійскім акцёрам Іванам Крэйгам.

У 1943 годзе яна ўпершыню сустрэла ў Лондане прынца Бертыля Шведскага — сына караля Густава VI Адольфа і Маргарыты Конаўцкай. Неўзабаве пасля гэтага яны сталі палюбоўнікамі, хоць Ліліян была замужам за Іванам. У 1945 годзе яны развяліся. Пасля таго як старэйшы брат прынц Бертыля Густаў Адольф загінуў у 1947 годзе, пакінуўшы падгадаванага сына, у Бертыля з’явіўся шанец стаць рэгентам шведскага Каралеўства. Па гэтай прычыне, ён вырашыў не жаніцца на Ліліян, бо гэта пазбавіла б яго пасаду. Некалькі гадоў яны жылі разам, хаваючы свае адносіны. Пражывалі ў Сент-Максіме на поўдні Францыі. Бацька прынца, кароль Густаў VI, пражыў доўгае жыццё, і за гэты час пляменнік Бертыля дасягнуў паўналецця.

Віла Сульбакен.

Пасля смерці караля Густава VI Адольфа (у 1973), Ліліян і Бертыль заключылі шлюб. Вянчанне адбылося 7 снежня 1976 года. Тым не менш, Бертыль працягваў выступаць у якасці намесніка караля ў яго адсутнасці. Яго жонка стала называцца прынцэса Ліліян, герцагіня Халандская. Пражываць муж і жонка сталі на ўласнай віле Сульбакен.

Бертыля не стала 30 жніўня 1997 года. Ён памёр на 82-і дзень нараджэння яго жонкі. У 1997—2010 гадах прынцэса Ліліян працягвала прадстаўляць Швецыю на афіцыйных мерапрыемствах і святах. У 2000 годзе яна выпусціла аўтабіяграфічную кнігу пра жыццё пры каралеўскім двары, а таксама пра сямейнае жыццё з Бертылем. У жніўні 2008 года прынцэса ўпала і зламала рабро ў сваім доме. Падобны выпадак паўтарыўся ў лютым 2009 года. 3 чэрвеня 2010 года было абвешчана, што прынцэса Ліліян хворая на хваробу Альцгеймера і больш не можа выконваць грамадскія абавязкі.

Прынцэса Ліліян памерла 10 сакавіка 2013 года ў Стакгольме. На момант смерці яна з’яўлялася самым пажылым членам шведскага каралеўскага дома і любой каралеўскай сям’і Еўропы.

У гонар прынцэсы Ліліян было дадзенае другое імя дачцэ прынцэсы Мадлен, якая нарадзілася 20 лютага 2014: яе поўнае імя Леанор Ліліян Марыя^[6].

Зноскі

1. Lundy D. R. Lilian May Davies // The Peerage Праверана 9 кастрычніка 2017.

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
2. Princess Lilian // Encyclopædia Britannica Праверана 9 кастрычніка 2017.

   <a href='https://wikidata.org/wiki/Track:Q5375741'></a>
3. Prinsessan Lilian har avlidit|aftonbladet.se
4. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
5. (unspecified title) Праверана 7 жніўня 2020.
6. Новорожденной шведской принцессе дали имя Леонор и титул герцогини (нявызн.). Вести.ру (27 лютага 2014). Архівавана з першакрыніцы 28 лютага 2014. Праверана 28 лютага 2014.