Лінкальн (Англія)

У паняцця ёсць і іншыя значэнні, гл. Лінкальн.

Лінкальн (англ.: Lincoln) — горад на ўсходзе Англіі, адміністрацыйны цэнтр графства Лінкальншыр у рэгіёне Усходні Мідленд. Размешчаны на ўзнёслых берагах ракі Уітэм. Насельніцтва: 93,5 тыс. чалавек (2011).

Горад Лінкальн Lincoln Сцяг Герб Краіна  Вялікабрытанія Рэгіён Іст-Мідлендс Графства Лінкальншыр Каардынаты 53°14′ пн. ш. 0°33′ з. д.HGЯO Плошча 36 км² Вышыня цэнтра 31 м Насельніцтва 93 541 чалавек (2011) Часавы пояс UTC0, летам UTC+1 Тэлефонны код 01522 Паштовыя індэксы LN1 LN2 LN3 LN4 Афіцыйны сайт lincoln.gov.uk (англ.) Лінкальн на карце Вялікабрытаніі

Медыяфайлы на Вікісховішчы

Гісторыя

У старажытнасці на месцы сучаснага горада знаходзілася ўмацаванне IX рымскага легіёна. У 71 г н.э. пад абаронай магутных сцен была заснавана калонія Ліндум (Lindum) — цэнтр правінцыі Flavia Caesariensis, які насялялі адстаўныя салдаты. Дагэтуль машыны заязджаюць у Лінкальн праз арку, пабудаваную рымлянамі (т.зв. Newport Arch). Падчас раскопак у Лінкальне археолагі выявілі шматлікія прыметы антычнага горада — могілкі, тэрмы, печы і нават фантан.

У раннім Сярэднявеччы Лінкальн становіцца адным з пяці гарадоў Данелага. Удалае размяшчэнне горада на скрыжаванні гандлёвых шляхоў забяспечвала яго дабрабыт. Пэўны час тут чаканілася манета. Пры заваяванні Англіі Вільгельм Заваёўнік звярнуў увагу на ўзвышанае размяшчэнне Лінкальна і для забеспячэння кантролю над наваколлямі загадаў пабудаваць тут Лінкальнскі замак. Падчас сярэдневяковых міжусобіц за ўладанне гэтым замкам ішла бязлітасная барацьба.

Сабор

Асноўны артыкул: Лінкальнскі сабор

У сувязі з ператварэннем Лінкальна ў бастыён нарманскага валадарства ў рэгіёне ў 1071 г. з заняпалага Дорчэстэра сюды пераехаў біскуп. У найкарацейшыя тэрміны (да 1092 г.) для яго быў узведзены сабор. Гэта збудаванне не раз пакутавала ад пажараў, а ў 1185 г. і зусім развалілася з-за землетрасення. У XIII стагоддзі на яго месцы быў пабудаваны новы сабор — эталон англійскай гатычнай архітэктуры. Гэта быў першы будынак, які пераўзышоў па вышыні піраміду Хеопса. Лічыцца, што на працягу 250 гадоў пасля будаўніцтва 160-мятровы сабор у Лінкальне заставаўся самым высокім будынкам на Зямлі.

Вядомыя асобы

• Джордж Буль (1815—1864) — ірландскі матэматык.

Гарады-пабрацімы

•  Нойштат-ан-дэр-Вайнштрасэ^[d], Германія (1970)
•  Порт-Лінкальн^[d], Аўстралія
•  Радомска, Польшча
•  Таншань, Кітай

Гл. таксама

• Граф Лінкальн
• Рыц, тэатр
• Лінкальн Сіці

Спасылкі

• На Вікісховішчы ёсць медыяфайлы па тэме Лінкальн (Англія)