Лісічка сапраўдная

Лісі́чка сапраўдная (Cantharellus cibarius) — від грыбоў сямейства Лісічкавыя (Cantharellaceae).

Лісічка сапраўдная
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Парадак:  Яжоўнікавыя Сямейства:  Лісічкавыя Род:  Лісічка Від:  Лісічка сапраўдная
Міжнародная навуковая назва
Cantharellus cibarius Fr., 1821
Сістэматыка на Віківідах Выявы на Вікісховішчы NCBI   36066 EOL   6666298 MB   200345

Назва

Народныя назвы лісічка, лісіца^[1].

Апісанне

Пладовае цела грыба па форме падобнае да шапкі на ножцы, але шапка і ножка ўяўляюць сабой адзінае цэлае, без акрэсленай мяжы; колер — ад светла-жоўтага да памяранцава-жоўтага.

Лісічка на паштовай марцы Беларусі

Шапка дыяметрам 2—12 см, часта з хвалістым краем або няправільнай формы, увагнута-распасцёртая, выпуклая потым уціснутая, плоская, з загорнутымі краямі і ўціснутая ў цэнтры, у спелых грыбоў лейкападобная. Паверхня шапкі гладкая, матавая. Скурка цяжка аддзяляецца ад мякаці шапкі. Складкі гіменафору тоўстыя, зыходзяць на ножку. Мякаць сакавіта-мясістая, у ножцы валакністая, жоўтая па краях і бялёсая ў сярэдзіне пладовага цела, з кіслявым смакам і слабым пахам сушанай садавіны ці карэння.

Пашырэнне

Расце на глебе ў розных лясах, часта вялікімі групамі. На Беларусі пладовыя целы сустракаюцца ў ліпені-кастрычніку.

Выкарыстанне

Лісічкі ў краме, Мюнхен.

Добра вядомы ядомы грыб. Утрымлівае вялікую колькасць вітамінаў PP і групы B, мікраэлементаў (цынк, медзь).

Зноскі

1. Беларуская навуковая тэрміналогія: слоўнік лясных тэрмінаў. — Мінск: Інбелкульт, 1926. — Т. Вып. 8. — 80 с.