Леанід Фёдаравіч Леўчанка

Леанід Фёдаравіч Леўчанка (нар. 29 мая 1932, г. Мар’іна Горка, Пухавіцкі раён, Мінская вобласць) — беларускі мастак, жывапісец. Член Беларускага Саюза мастакоў (1979).

Леанід Фёдаравіч Леўчанка
Дата нараджэння	29 мая 1932(1932-05-29) (93 гады)
Месца нараджэння	Мар’іна Горка, Пухавіцкі раён, Беларуская ССР, СССР
Грамадзянства	Беларусь
Род дзейнасці	мастак
Месца працы	БДУ
Вучоба	Адэскае мастацкае вучылішча імя М. Б. Грэкава[d] (1955)
Член у	Саюз мастакоў БССР

У Вікіпедыі ёсць артыкулы пра іншых людзей з прозвішчам Леўчанка.

Біяграфія

Бацька, Фёдар Мікіціч, з сялян, нарадзіўся каля Любані. Маці, Ганна Пятроўна, бацька якой быў святаром^[1].

Скончыў Адэскае мастацкае вучылішча (1955). Вучыўся ў М. Тодарава, А. Ацманчука, М. Шамоты.

Творчасць

Працуе ў станковым жывапісе ў жанрах партрэта і пейзажа. Асноўныя творы: палотны «Партрэт дзяўчыны», «Растрэл камісара Фаміна», «Палкоўнік міліцыі У.Кузняцоў», «Вясна ў Раўбічах», «Мінск. Сакавік», «Рэчка Цітаўка», «Дразды», Вясна на рацэ Арэса", «Рака Свіслач», «Яхты ў мора», «Марскі прыбой», «На рэйдзе стаяць караблі», «Свежы вецер».

Творы знаходзяцца ў Нацыянальным мастацкім музеі Беларусі, фондах БСМ, Магілёўскім абласным мастацкім музеі імя П. Масленікава, мастацкай галерэі Пухавіцкага краязнаўчага музея.

Жыве ў горадзе Мінск.

Зноскі

1. https://www.sb.by/articles/ego-svetlaya-zorka-marina-gorka.html