Магілёўскі дзяржаўны абласны ліцэй №1

Магілёўскі дзяржаўны абласны ліцэй № 1 — установа адукацыі Магілёўскай вобласці, уваходзіць у склад вучэбна-метадычнага комплекса на базе Магілёўскага дзяржаўнага ўніверсітэту імя Аркадзя Куляшова.

Магілёўскі дзяржаўны абласны ліцэй №1
Дэвіз	Першы — лепшы!
Заснаваны	1 ліпеня 1990
Дырэктар	Пётр Уладзіміравіч Шылаў
Тып	Ліцэй
Краіна	Беларусь
Адрас	Магілёў, вул. Вароўскага, 29
Сайт	firstlyceum.by

Гісторыя

У канцы 20-га стагоддзя ў сістэме народнай адукацыі Рэспублікі Беларусь з’явіліся навучальныя ўстановы новага тыпу: каледжы, ліцэі, гімназіі. Першай падобнай навучальнай установай у горадзе Магілёве стаў абласны ліцэй пры МДУ імя А. А. Куляшова па вуліцы Вароўскага.^[1]

Ліцэй пры Магілёўскім дзяржаўным педагагічным інстытуце імя А. А. Куляшова створаны згодна з рашэннем Магілёўскага аблвыканкама № 5 ад 17 красавіка 1990 года і адкрыты 1 ліпеня 1990 года.^[1] Ліцэй існуе як самастойная юрыдычная адзінка і падпарадкоўваецца упраўленню адукацыі Магілёўскага аблвыканкама.

У 1997 годзе ў сувязі з атрыманнем Магілёўскім дзяржаўным педагагічным інстытутам статусу універсітэта ліцэй быў перайменаваны ў Магілёўскі абласны ліцэй пры МДУ імя А. А. Куляшова.

У 2001 годзе рашэннем Магілёўскага аблвыканкама № 14-18 ад 27 чэрвеня 2001 года ліцэй перайменаваны ва ўстанову адукацыі «Магілёўскі абласны ліцэй № 1».

Гісторыя будынка ліцэя

Від на епархіяльнае вучылішча з Быхаўскай вуліцы, пачатак XX стагоддзя

1892 / 1893—1917 — Жаночае епархіяльнае вучылішча Духоўнага ведамства^[2].

1918 — Школа чырвоных камандзіраў^[3].

У гады ВАВ — Гестапа^[4].

1947—1951 — Педагагічнае вучылішча^[5].

1957—1990 — школа-інтэрнат № 1 горада Магілёва БССР^[6].

З 1990 — Абласны ліцэй.

Дасягненні вучняў

Вучнямі ліцэя атрыманы 21 дыплом на міжнародных алімпіядах, 313 дыпломаў на рэспубліканскіх^[7].

Профільнае навучанне

У ліцэі працуюць профільныя класы з фізіка-матэматычным, хіміка-біялагічным, грамадазнаўчым і філалагічным накірункамі.

Зноскі

1. Архіўная копія (нявызн.)(недаступная спасылка). Архівавана з першакрыніцы 29 ліпеня 2017. Праверана 26 ліпеня 2017.
2. Архіўная копія (нявызн.)(недаступная спасылка). Архівавана з першакрыніцы 29 ліпеня 2017. Праверана 26 ліпеня 2017.
3. Архіўная копія (нявызн.)(недаступная спасылка). Архівавана з першакрыніцы 29 ліпеня 2017. Праверана 26 ліпеня 2017.
4. Архіўная копія (нявызн.)(недаступная спасылка). Архівавана з першакрыніцы 29 ліпеня 2017. Праверана 26 ліпеня 2017.
5. Архіўная копія (нявызн.)(недаступная спасылка). Архівавана з першакрыніцы 31 ліпеня 2017. Праверана 26 ліпеня 2017.
6. Архіўная копія (нявызн.)(недаступная спасылка). Архівавана з першакрыніцы 29 ліпеня 2017. Праверана 26 ліпеня 2017.
7. Архіўная копія (нявызн.)(недаступная спасылка). Архівавана з першакрыніцы 12 жніўня 2017. Праверана 27 ліпеня 2017.