Маза-Югла

Маза-Югла (лат.: Mazā Jugla) — рака ў Латвіі, левы складальнік ракі Югла. Даўжыня ракі — 119 км, плошча вадазборнага басейна — 675,3 км².

Маза-Югла
Характарыстыка
Даўжыня	131,3 км[1]
Басейн	675 км²
Вадацёк
Выток
• Каардынаты	56°55′01″ пн. ш. 25°18′50″ у. д.HGЯO
Вусце	Югла (рака)
• Каардынаты	56°58′10″ пн. ш. 24°19′24″ у. д.HGЯO
Размяшчэнне
Водная сістэма	Югла (рака) → Кішэзэрс
Краіна	Латвія
— выток, — вусце
Медыяфайлы на Вікісховішчы

Бярэ пачатак у Таўрупскай воласці на заходніх схілах Цэнтральна-Відзэмскага ўзвышша. Цячэ пераважна ў заходнім напрамку праз лясы паралельна рацэ Ліела-Югла. У ніжнім цячэнні працякае па Прыморскай нізіне. Зліваецца з ракой Ліела-Югла ў паўднёва-ўсходняй частцы возера Юглас.

Рака звілістая, берагі пераважна нізінныя. Дно камяніста-пясчанае, месцамі невялікія парогі. Падзенне рэчышча ў верхнім цячэнні — 3-4 м/км. На берагах месцамі знаходзяцца дэвонскія агаленні. У ніжнім цячэнні па берагах растуць трыснёг, чарот і аер. Каля вёскі Дабэлніякі на рацэ пабудавана ГЭС.