Мазырскі калгасна-саўгасны тэатр

Мазырскі калгасна-саўгасны тэатр — тэатр, які існаваў у 1935—1938 гадах у Мазыры. Створаны як тэатр рабочай і калгаснай моладзі, у тым жа годзе перайменаваны ў акруговы калгасна-саўгасны тэатр. Мастацкія кіраўнікі: Гарадзецкі (з 1935), В. Пацехін (з 1937). У 1938 годзе рэарганізаваны ў Палескі абласны драматычны тэатр.

Мазырскі калгасна-саўгасны тэатр
Заснаваны	1935
Закрыты	1938
Краіна	СССР
Размяшчэнне	Мазыр

У рэпертуары: «У веснавую ноч» Е. Міровіча, «Партызаны» К. Крапівы, «Не было ні гроша, ды раптам шастак^[ru]» і «Ваўкі і авечкі^[ru]» А. Астроўскага, «Каварства і каханне» Ф. Шылера, «Нелады» І. Пярсонава^[ru], «Агні маяка» Л. Карасёва^[ru], «Наймічка^[uk]» паводле Т. Шаўчэнкі. Сярод акцёраў А. Даніловіч, Г. Лаўроў, Ю. Сурыкаў, Л. Даноўская і інш.