Максім Алегавіч Варабей

У Вікіпедыі ёсць артыкулы пра іншых людзей з прозвішчам Варабей.

Максі́м Але́гавіч Варабе́й (нар. 10 снежня 1995, Барысаў) — беларускі біятланіст, удзельнік Кубка свету па біятлоне ў складзе зборнай Беларусі.

Максім Варабей
Поўнае імя	Максім Алегавіч Варабей
Нарадзіўся	10 снежня 1995(1995-12-10) (29 гадоў) Барысаў, Мінская вобласць, Беларусь
Грамадзянства	Беларусь
Рост/Вага	183 см / 79 кг
Медыяфайлы на Вікісховішчы

Кар’ера

Юніёрская кар’ера

Займаецца біятлонам з 2003 года, асабісты трэнер — Бальшакоў Васіль Вячаслававіч. У міжнародных спаборніцтвах удзельнічае з 2010 года.

Першым буйным турнірам для Вараб’я стаў юніёрскі чэмпіянат свету 2015, які праходзіў у Раўбічах. На гэтым турніры беларускі спартсмен заняў 8 месца ў індывідуальнай гонцы, 16 — у спрынце і 17 — у гонцы пераследвання. У эстафеце Варабей у складзе зборнай Беларусі заняў пятае месца.

На наступным юніёрскім чэмпіянаце, у 2016 годзе ў Кейле-Грэдзішцей, Максім заняў 10 месца ў індывідуальнай гонцы, 9 — у спрынце і чацвёртае — у гонцы пераследвання^[1]. У сезоне 2015/16 спартсмен таксама выступаў у маладзёжным Кубку IBU і атрымаў перамогу на адным з этапаў^[2].

Дарослая кар’ера

У сезоне 2014/15 дэбютаваў на Кубку IBU ў спрынтэрскай гонцы на этапе ў Бейтастолене, дзе заняў 78-е месца. Усяго ў сваім першым сезоне ні разу не змог набраць ачкі ў залік Кубка IBU. У сезоне 2015/16 выступаў нашмат удалей, лепшым вынікам стала шостае месца ў спрынце на этапе ў Рыднаўне.

Дэбютаваў у спаборніцтвах Кубка свету ў лютым 2016 года на этапе ў Кэнмары. У сваёй першай спрынтарскай гонцы, адстраляўшы без промаха, заняў 19-е месца, што дазволіла яму набраць першыя ачкі ў залік Кубка свету^[3].

На Зімовых Алімпійскіх гульнях 2018 года удзельнічаў у індывідуальнай гонцы, заняў 39 месца.

Спартыўная кар’ера

Юніёрскія і маладзёжныя дасягненні

Год	Месца правядзення	Узрост	Інд	Спр	Пр	Эст
2015	ЧС Раўбічы	U19	8	16	17	5
2016	ЧС Чэйле-Градзішцей	U21	10	9	4	-

Удзел у чэмпіянатах свету

Год	Месца правядзення	Інд	Спр	Пр	МС	Эст	Зм
2016	ЧС Хальменколен	-	79	-	-	-	-

Агульны залік у Кубку свету

• 2015 — 2016 — 76-е месца (22 ачкі)
• 2016 — 2017 — 90-е месца (9 ачкоў)

Зноскі

1. Беларус Максім Варабей спыніўся за крок ад п’едэстала на юніёрскім чэмпіянаце свету па біятлоне
2. Юніёрскі Кубак свету. Варабей выйграў спрынт
3. Біятлон. Дэбютант Кубка свету барысаўчанін Максім Варабей заняў 19-е месца ў спрынце на этапе ў Канадзе(недаступная спасылка)