Максім Сяргеевіч Сазонаў

У Вікіпедыі ёсць артыкулы пра іншых людзей з прозвішчам Сазонаў.

Максім Сяргеевіч Сазонаў (нар. 16 ліпеня 1996, Расоны, Віцебская вобласць, Беларусь) — беларускі баскетбаліст. Цяжкі форвард. Майстар спорту Рэспублікі Беларусь^[2].

Максім Сяргеевіч Сазонаў
Нарадзіўся	16 ліпеня 1996(1996-07-16)[1] (29 гадоў) Расоны, Расонскі раён, Віцебская вобласць, Беларусь
Грамадзянства	Беларусь[1]
Альма-матар	Беларускі дзяржаўны ўніверсітэт фізічнай культуры (2017)
Клубная кар’ера[* 1]
2013—2016 Цмокі-Мінск-2 2016—2017 ЦАР-Барысфен 2017 БДЭУ-ГрандПрынт 2017—2018 Цмокі-Мінск 2019—2023 Гродна-93 2025—0000 Імпульс-БДУІР
Колькасць гульняў і балаў за прафесійны клуб лічыцца толькі для розных ліг нацыянальных чэмпіянатаў.

Біяграфія

У дзяцінстве гуляў у футбол і валейбол, узімку хадзіў на лыжах і захапляўся хакеем. У трэцім класе запісаўся ў спартыўную секцыю па валейболе і лёгкай атлетыцы. Першым трэнерам быў Дзмітрый Яўгенавіч Мацвееў. Пасля сёмага класа працягнуў навучанне ў гімназіі ў пасёлку Лужасна Віцебскага раёна на аддзяленні баскетбола. Пасля заканчэння гімназіі паступіў у Беларускі дзяржаўны ўніверсітэт фізічнай культуры і спорту, там яго заўважылі сталічныя трэнеры і запрасілі ў баскетбольны клуб «Цмокі-Мінск».

У лістападзе 2023 года далучыўся да баскетбольнага клуба 3х3 «Шахцёр» (Салігорск)^[3].

Выступаў за юнацкую (2012) і моладзевую (2014—2016) зборную Беларусі. У складзе мужчынскай зборнай Беларусі па фіджытал-баскетболе стаў сярэбраным прызёрам Гульняў БРІКС-2024 у Казані^[4].

Кар’ера

• 2013—2016 — Цмокі-Мінск-2
• 2016—2017 — ЦАР-Барысфен (Магілёў)
• 2017 — БДЭУ-ГрандПрынт (Мінск)
• 2017—2018 — Цмокі-Мінск
• 2017—2019 — Цмокі-Мінск (рэзервовая каманда)
• 2019—2023 — Гродна-93
• 2025 — Імпульс-БДУІР (Мінск)

Дасягненні

• Чэмпіён Беларусі (1): 2017/2018.
• Сярэбраны прызёр чэмпіянату Беларусі (1): 2022/2023.
• Бронзавы прызёр чэмпіянату Беларусі (4): 2013/2014, 2018/2019, 2019/2020, 2021/2022.
• Уладальнік Кубка Беларусі (1): 2017.
• Фіналіст Кубка Беларусі (2): 2021, 2022.

Зноскі

1. Maksim Sazonau // FIBA database Праверана 5 чэрвеня 2025.

   <a href='https://wikidata.org/wiki/Track:Q130293317'></a>
2. ПАЛОВА-2024. «ПРЫГАЖУНІ» И «ШАХТЕР-СОЛИГОРСК» – ЧЕМПИОНЫ БЕЛАРУСИ ПО БАСКЕТБОЛУ 3Х3
3. БК «ШАХТЁР» – БАЗОВАЯ КОМАНДА МУЖСКОЙ НАЦКОМАНДЫ 3Х3
4. ИГРЫ БРИКС. СБОРНАЯ БЕЛАРУСИ – ВИЦЕ-ЧЕМПИОН МЕЖДУНАРОДНЫХ СОРЕВНОВАНИЙ