Малагарадзішчанскі сельсавет

Малагарадзі́шчанскі сельсавет — былая адміністрацыйна-тэрытарыяльная адзінка ў Ляхавіцкім раёне Брэсцкай вобласці Беларусі. Адміністрацыйны цэнтр — вёска Малое Гарадзішча.

Малагарадзішчанскі сельсавет
Краіна	Беларусь
Уваходзіць у	Ляхавіцкі раён
Адміністрацыйны цэнтр	Малое Гарадзішча
Дата ўтварэння	12 кастрычніка 1940
Дата скасавання	23 снежня 1997

Утвораны 12 кастрычніка 1940 года ў Ляхавіцкім раёне Баранавіцкай вобласці, з 8 студзеня 1954 года — у Брэсцкай вобласці. 9 чэрвеня 1958 года ў склад Пад’язаўлеўскага сельсавета перададзены 2 населеныя пункты (вёскі Гукова і Літоўка)^[1]. На 1 студзеня 1974 года ў складзе сельсавета 6 населеных пунктаў^[2]. 16 сакавіка 1987 года ў склад сельсавета з Альхоўскага сельсавета вернута вёска Літоўка^[3]. Скасаваны 23 снежня 1997 года, тэрыторыя далучана да Альхоўскага сельсавета.