Вуліца Мянжынскага (Магілёў)

Вуліца Мянжы́нскага — вуліца ў Ленінскім раёне Магілёва.

Вуліца Мянжынскага Магілёў
Агульная інфармацыя
Краіна	Беларусь
Рэгіён	Магілёўская вобласць
Горад	Магілёў
Раён	Ленінскі раён
Працягласць	0,92 км
Медыяфайлы на Вікісховішчы

У паняцця ёсць і іншыя значэнні, гл. Вуліца Мянжынскага.

Гісторыя

Гістарычная назва — Малое Завалле. У 1939 годзе перайменавана ў гонар савецкага дзяржаўнага і партыйнага дзеяча Вячаслава Мянжынскага. Сучаснае аблічча вуліцы пачало фарміравацца ў канцы 1940 — пачатку 1950-х гадоў калі, паводле генплана 1947—1950 гадоў пачалася рэканструкцыя цэнтральнай часткі горада. Паводле генплана 1980—1981 гадоў вуліца ўваходзіла ў зону забудовы цэнтральнага планіровачнага раёна^[1].

Размяшчэнне

Арыентавана з паўднёвага захаду на паўночны ўсход. Размешчана паміж вуліцамі Леванеўскага і Вароўскага, да якіх паралельна. З’яўляецца працягам завулка Глінкі, пачынаецца ад вуліцы Чалюскінцаў, з паўночнага захаду прымыкае Невельскі завулак, перасякае вуліцу Прамысловую, ізноў з паўночнага захаду прымыкаюць Іжэўская вуліца і завулак Мянжынскага, з паўднёвага ўсходу — вуліца Пляханава, абрываецца схілам даліны Струшні. Даўжыня вуліцы складае каля 0,92 км.

Забудова

У вулічнай забудове пераважаюць 2-павярховыя, пераважна жылыя дамы^[1].

«Шэры дом» у пачатку вуліцы

• (вул. Чалюскінцаў, 54) — чатырохпавярховы жылы дом. Сваю мянушку «шэры дом» ён атрымаў у 1930-я гады, калі быў пабудаваны і пафарбаваны ў шэры колер. На першым паверсе размяшчаўся гастраном, які насіў такую ж назву. Пазней краму перанеслі ў дом праз дарогу, але яна так і не згубіла сваю назву. У доме правёў сваё дзяцінства і юнацтва расійскі поп-спявак Барыс Маісееў^[2].

Будынак школы

• № 14 — Сярэдняя школа № 11. У будынку школы ў 1941 годзе знаходзіўся штаб 172-й сталковай дывізіі (камандзір М. Т. Раманаў), якая абараняла горад ад нацыстаў. У 1964 годзе на будынку ўстаноўлена мемарыяльная дошка^[1].

Дом № 18

Дом № 16

• № 16 — будынак пачатку ХХ стагоддзя —  Гісторыка-культурная каштоўнасць Беларусі, шыфр 513Г000035шыфр 513Г000035
• № 18 — будынак пачатку ХХ стагоддзя —  Гісторыка-культурная каштоўнасць Беларусі, шыфр 513Г000035шыфр 513Г000035
• № 20 — 24-кватэрны чатырохпавярховы жылы дом па тыпавым праекце Н. Макляцовай (пабудаваны прыкладна ў 1932—1938 гг.).
• № 31 — 24-кватэрны чатырохпавярховы жылы дом па тыпавым праекце Н. Макляцовай (пабудаваны прыкладна ў 1932—1938 гг.).

Паркі і скверы

Бульвар

На большай частцы сваёй даўжыні вуліца ўяўляе сабой бульвар.

Зноскі

1. Менжинского улица // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.
2. Именные дома Могилева