Запольскі сельсавет (Аршанскі раён)

У паняцця ёсць і іншыя значэнні, гл. Запольскі сельсавет.

Запо́льскі сельсавет — былая адміністрацыйна-тэрытарыяльная адзінка ў складзе Аршанскага раёна Віцебскай вобласці Беларусі. Адміністрацыйны цэнтр — вёска Заполле.

Запольскі сельсавет
Краіна	Беларусь
Уваходзіць у	Аршанскі раён
Уключае	12 населеных пунктаў
Адміністрацыйны цэнтр	Заполле
Дата ўтварэння	20 жніўня 1924
Дата скасавання	8 красавіка 2004
Насельніцтва	681 чал. (1999)
Часавы пояс	UTC+03:00

Гісторыя

Утвораны 20 жніўня 1924 года як Малотынскі (Малатнянскі) сельсавет у складзе Коханаўскага раёна Аршанскай акругі БССР. Цэнтр — вёска Малотынь. Пасля скасавання акруговай сістэмы 26 ліпеня 1930 года ў Коханаўскім раёне БССР. З 8 ліпеня 1931 года ў складзе Аршанскага раёна БССР, з 20 лютага 1938 года — Віцебскай вобласці. У 1939 годзе цэнтр сельсавета перанесены ў вёску Заполле. З 25 снежня 1962 года сельсавет у складзе Талачынскага раёна, з 12 лютага 1965 года — у складзе Аршанскага раёна. У 1972 годзе ў склад сельсавета з Межаўскага сельсавета перададзены 10 населеных пунктаў (вёскі Глінішча, Грабянёва, Гразіна, Зарэчча, Кашына, Лагі, Мальжонкава, Слабодка, Чаркасова і Шэмберава), у склад Задроўеўскага сельсавета перададзены 4 населеныя пункты (Дроздава, Казлова, Рагазіна і Хлусава)^[1]. На 1 студзеня 1974 года ў складзе Малотынскага сельсавета 19 населеных пунктаў^[2]. 15 мая 1981 года ў склад Межаўскага сельсавета вернуты 6 населеных пунктаў (вёскі Зарэчча, Кашына, Мальжонкава, Слабодка, Чаркасова і Шэмберава), у склад Веравайшанскага сельсавета перададзена вёска Грабянёва^[3]. 2 лютага 1982 года сельсавет перайменаваны ў Запольскі^[4]. 8 красавіка 2004 года сельсавет скасаваны, яго тэрыторыя далучана да Межаўскага сельсавета^[5].

На момант скасавання ў склад сельсавета ўваходзілі 12 населеных пунктаў: вёскі Азярок, Баякоўшчына, Глінішча, Гразіна, Заполле, Зоськава, Ізмайлава, Лагі, Малотынь, Рубашына, Смаляны і Ферма.