Манаполія (гульня)

«Манаполія» — амерыканская шматкарыстальніцкая настольная гульня ў гандаль нерухомасцю, прыдуманая ў сакавіку 1933 года інжынерам Чарльзам Дэраў.

Манаполія
Гулянне ў Камеруне (2019 год)
Гульцоў	2—8
Узрост	Ад 8 гадоў
Падрыхтоўка	2—5 хвілін
Працягласць	1-3 гадзіны
Стратэгія	узбагачэнне за кошт набыцця, арэнды і продажу нерухомасці
Выпадковасць	кіданне касцей і выцягванне картак
Уменні	гандаль
Краіна	ЗША
Медыяфайлы на Вікісховішчы

7 сакавіка 1933 года Чарльз Дэраў з нямецкага прадмесця на паўночны захад ад Філадэльфіі (штат Пенсільванія) выразаў для прадпрымальніцкай гульні дамы і гасцініцы з кавалкаў дрэва, а фішкі — з бранзалета жонкі^[1]. Затым ён замовіў у друкара 5000 набораў гульні, якія імкліва прадаў праз універсальную краму ў Філадэльфіі^[2]. У 1934 годзе Дэраў прапанаваў аўтарскае права на гульню братам Паркерам, якія былі вядучымі вытворцамі гульняў у ЗША. У 1935 годзе браты Паркеры набылі правы на гульню і выпусцілі яе шматтысячным тыражом 5 лістапада, што зрабіла Чарльза Паркера мільянерам. У 1936 годзе яе пачалі пастаўляць за мяжу^[1]. У выніку гульня стала найбольш прадаванай у ЗША і краінах Заходняй Еўропы.