Маратхі (мова)

У паняцця ёсць і іншыя значэнні, гл. Маратхі.

Маратхі (саманазва मराठी) — індаеўрапейская мова, родная для народа маратхі. Адна з 23 афіцыйных моў Індыі. Мае дзяржаўны статус у Махараштры, выкарыстоўваецца ў афіцыйных дакументах у Гоа і Даман і Дыу.

Маратхі
Саманазва	मराठी
Краіны	Індыя
Рэгіёны	Махараштра, Гоа, Даман і Дыу
Афіцыйны статус	Махараштра
Агульная колькасць носьбітаў	каля 72 млн
Класіфікацыя
Катэгорыя	Мовы Еўразіі
Індаеўрапейская сям'я Індаіранская галіна Індаарыйская група Паўднёвая падгрупа
Пісьменнасць	дэванагары і Modi[d]
Моўныя коды
ДАСТ 7.75–97	мар 440
ISO 639-1	mr
ISO 639-2	mar
ISO 639-3	mar
WALS	mhi
Ethnologue	mar
Linguasphere	59-AAF-o
ABS ASCL	5205
IETF	mr
Glottolog	mara1378
Вікіпедыя на гэтай мове

Гісторыя

Маратхі сфарміравалася на аснове моў санскрыт і апабраханша. Ранняя пісьменнасць вядомая з 1012 г. Першапачатковы росквіт прыйшоўся на XIII ст., калі яна выкарыстоўвалася на тэрыторыі сучаснага штата Махараштра ў якасці прыдворнай мовы, у справаводстве, паэзіі. На маратхі была перакладзена Бхагаватгіта. Сярэдневяковая форма маратхі да нашых дзён выкарыстоўваецца ў рэлігійных богаслужэннях.

Наступны перыяд развіцця маратхі прыпадае на існаванне Імперыі Маратхаў у сяр. XVII — XVIII стст. У XIX ст. адбылося рэфармаванне, паступовае прыбліжэнне да гутарковых дыялектаў. З 1835 года выкарыстоўваецца ў сродках масавай інфармацыі.

Пісьменнасць

Пісьмо на аснове дэванагары, але да сярэдзіны XX ст. выкарыстоўваліся і іншыя формы пісьменнасці.

Спасылкі

• Маратхі на omniglot
• Размоўнік для турыстаў