Марачкоўскі сельсавет

Марачко́ўскі сельсавет — былая адміністрацыйна-тэрытарыяльная адзінка ў складзе Расонскага раёна Віцебскай вобласці Беларусі. Адміністрацыйны цэнтр — вёска Марачкова.

Марачкоўскі сельсавет
Краіна	Беларусь
Уваходзіць у	Расонскі раён
Уключае	5 населеных пунктаў
Адміністрацыйны цэнтр	Марачкова
Дата ўтварэння	20 жніўня 1924
Дата скасавання	8 красавіка 2004
Насельніцтва	324 чал. (1999)
Часавы пояс	UTC+03:00
Код аўтам. нумароў	2

Утвораны 20 жніўня 1924 года як Мілавідскі сельсавет у складзе Расонскага раёна Полацкай акругі БССР. Цэнтр — вёска Мілавіды. Пасля скасавання акруговай сістэмы 26 ліпеня 1930 года ў Расонскім раёне БССР, з 21 чэрвеня 1935 года — Полацкай акругі, з 20 лютага 1938 года — Віцебскай вобласці. У 1939 годзе цэнтр сельсавета перанесены ў вёску Асецішча. З 20 верасня 1944 года сельсавет у Расонскім раёне Полацкай вобласці, з 8 студзеня 1954 года — Віцебскай вобласці. 16 ліпеня 1954 года цэнтр сельсавета перанесены ў вёску Роўнае Поле, сельсавет перайменаваны ў Раўнапольскі сельсавет^[1]. З 25 снежня 1962 года сельсавет у складзе Верхнядзвінскага раёна, з 6 студзеня 1965 года — у складзе адноўленага Расонскага раёна. На 1 студзеня 1974 года ў складзе сельсавета 6 населеных пунктаў^[2]. 3 лістапада 1983 года цэнтр сельсавета перанесены ў вёску Марачкова, сельсавет перайменаваны ў Марачкоўскі сельсавет. 8 красавіка 2004 года скасаваны, тэрыторыя далучана да Клясціцкага сельсавета^[3].

На момант скасавання ў склад сельсавета ўваходзілі 5 населеных пунктаў: вёскі Залессе, Марачкова, Маторына, Мілавіды і Роўнае Поле.