Маркел Емяльянавіч Макушок

У Вікіпедыі ёсць артыкулы пра іншых людзей з прозвішчам Макушок.

Маркел Емяльянавіч Макушок (14 студзеня 1881 — 31 студзеня 1952) — вучоны заолаг. Доктар біялагічных навук (1937). Прафесар (1928). Акадэмік АН БССР (1950). Заслужаны дзеяч навукі БССР (1944).

Маркел Емяльянавіч Макушок
Дата нараджэння	14 студзеня 1881(1881-01-14)
Месца нараджэння	Вэрхнячка, Уманскі павет[d], Кіеўская губерня, Расійская імперыя
Дата смерці	31 студзеня 1952(1952-01-31) (71 год)
Месца смерці	Мінск, Беларуская ССР, СССР
Месца пахавання	Вайсковыя могілкі
Грамадзянства	Расійская імперыя  СССР
Род дзейнасці	біёлаг, заолаг
Навуковая сфера	заалогія
Месца працы	МДУ Казанскі ўніверсітэт Палярны навукова-даследчы інстытут марской рыбнай гаспадаркі і акіянаграфіі імя М. М. Кніповіча[d] біялагічны факультэт БДУ Інстытут біялогіі АН БССР
Навуковая ступень	доктар біялагічных навук
Навуковае званне	акадэмік АН БССР
Альма-матар	Імператарскі ўніверсітэт Святога Уладзіміра[d] Кіеўскі нацыянальны ўніверсітэт імя Тараса Шаўчэнкі
Узнагароды	медалі

Біяграфія

М. Е. Макушок нарадзіўся ў сяле Верхнячка, Правабярэжная Украіна, Расійская імперыя (зараз у Чаркаскай вобласці Украіны). У 1910 годзе скончыў Кіеўскі ўніверсітэт. З 1911 г. прыват-дацэнт у Маскоўскім універсітэце. З 1927 г. прафесар і загадчык кафедры ў Казанскім універсітэце. З 1931 г. старшы навуковы супрацоўнік Дзяржаўнага акіянаграфічнага інстытута ў Маскве. У 1937—1941 і 1943—1952 гг. у Беларускім дзяржаўным універсітэце — загадчык кафедры заалогіі пазваночных, дарвінізму і генетыкі. Адначасова ў 1950—1952 гг. прарэктар БДУ і старшы навуковы супрацоўнік Інстытута біялогіі АН БССР.

Навуковая дзейнасць

М. Е. Макушок займаўся навуковай дзейнасцю ў галіне параўнальнай анатоміі жывёл, іхтыялогіі, герпеталогіі. Даследаваў паходжанне лёгкіх, плавальнага пузыра, сістэматыку губак возера Байкал і Баранцава мора, іхтыяфаўну Беларусі. Аўтар больш за 30 навуковых прац.
Сярод апублікаваных:

• О вариациях в позвоночном столбе бесхвостых амфибий, 1917.
• Карельский сомик, его хозяйственное значение и биологически особенности — Мн., 1951.
• Наши рыбные богатства — М.; Л., 1926.

Узнагароды

• 2 ордэны Працоўнага Чырвонага Сцяга;
• медалі.

Зноскі