Маркел Сцяпанавіч Савіцкі

Маркел Сцяпанавіч Саві́цкі (19 чэрвеня 1898, вёска Расасна, Дубровенскі раён, Віцебская вобласць — 24 ліпеня 1975) — беларускі вучоны ў галіне раслінаводства. Доктар сельскагаспадарчых навук (1962), прафесар (1963). Заслужаны дзеяч навукі БССР (1965).

Маркел Сцяпанавіч Савіцкі
Дата нараджэння	19 чэрвеня 1898(1898-06-19)
Месца нараджэння	Расасна, Горацкі павет, Магілёўская губерня, Расійская імперыя
Дата смерці	24 ліпеня 1975(1975-07-24) (77 гадоў)
Грамадзянства	Расійская імперыя,  СССР
Род дзейнасці	навуковец
Навуковая сфера	раслінаводства
Месца працы	Беларуская дзяржаўная сельскагаспадарчая акадэмія
Навуковая ступень	доктар сельскагаспадарчых навук
Навуковае званне	прафесар
Альма-матар	Маскоўская сельскагаспадарчая акадэмія імя К. А. Ціміразева
Партыя	КПСС
Узнагароды

У Вікіпедыі ёсць артыкулы пра іншых людзей з прозвішчам Савіцкі.

Біяграфія

Нарадзіўся ў вёсцы Расасна (сучасны аграгарадок у Дубровенскім раёне Віцебскай вобласці Беларусі). Скончыў Маскоўскую сельскагаспадарчую акадэмію (1924) і да 1935 г. працаваў у навукова-даследчых установах Беларусі. У 1963—1974 гг. загадчык, прафесар кафедры раслінаводства Беларускай дзяржаўнай сельскагаспадарчай акадэміі.

Навуковая дзейнасць

Аўтар больш за 120 навуковых прац па агратэхніцы збожжавых культур. Прапанаваў структурную формулу ўраджайнасці палявых культур, распрацаваў методыку норм высеву збожжавых культур па аптымальным сцебластоі.

Узнагароды

Узнагароджаны ордэнам Кастрычніцкай Рэвалюцыі, ордэнам «Знак Пашаны» (1966), пяццю медалямі, Ганаровай граматай Прэзідыума Вярхоўнага Савета БССР. Яго імем названа аўдыторыя ў корпусе № 4 БДСГА.

Асноўныя публікацыі

• Биологические и агрономические основы формирования высоких урожаев зерновых культур. — М., 1968.
• Теоретические основы методики определения норм высева зерновых культур по оптимальному стеблостою. — М., 1971.
• Структура урожая зерновых культур в Белоруссии: Метод. пособие для повышения квалификации агрономов / М. С. Савицкий, М. Е. Николаев; М-во сельск. хоз-ва СССР. Белорус. с.-х. акад. — Горки: [БСХА], 1974.

Зноскі