Марына Мікалаеўна Шаптурэнка

Марына Мікалаеўна Шаптурэнка, па нараджэнні Кіш (нар. 1973, Мінск, БССР) — беларускі генетык. Доктар біялагічных навук (2019), дацэнт.

Марына Мікалаеўна Шаптурэнка
Дата нараджэння	1973
Месца нараджэння	Мінск, Беларуская ССР, СССР
Грамадзянства	Беларусь
Род дзейнасці	генетык
Месца працы	ІГІЦ НАНБ
Навуковая ступень	доктар біялагічных навук (2019)
Навуковае званне	дацэнт
Альма-матар	біялагічны факультэт БДУ (1997)
Член у	Свабодны прафсаюз Беларускі

У Вікіпедыі ёсць артыкулы пра іншых людзей з прозвішчам Шаптурэнка.

У Вікіпедыі ёсць артыкулы пра іншых людзей з прозвішчам Кіш.

Завочна скончыла ў 1997 годзе біялагічны факультэт БДУ^[1]. Галоўны навуковы супрацоўнік лабараторыі экалагічнай генетыкі і біятэхналогіі Інстытута генетыкі і цыталогіі Нацыянальнай акадэміі навук Беларусі. Даследуе генетыку збожжавых і інш. 21 чэрвеня 2018 года абараніла доктарскую дысертацыю па тэме «Генетычная дывергенцыя і гетэрозіс у раслін».

Сябар Свабоднага прафсаюза Беларускага. У час палітычнага крызісу 2020-х гадоў, у канцы мая 2021 года вымушана да звальнення «па пагадненні бакоў» адначасова з іншымі сябрамі СПБ^[2].

Я аддала больш за 24 гады Інстытуту генетыкі і лічыла гэта сваім пакліканнем. Тут я прайшла свой навуковы шлях ад аспіранта да доктара навук, да гэтай самай кропкі, калі стала відавочным, што прафесіяналізм, вольнае мысленне і прыстойнасць не ўяўляюць каштоўнасці для сістэмы. Мой апошні дзень працы ў Інстытуце 13 жніўня. Я не ведаю, як зробіць адміністрацыя і для мяне цяпер гэта не мае ніякага значэння. Вядучага інстытута біялагічнага аддзялення навук для мяне больш не існуе, таму што там ужо няма шматлікіх маіх калегаў, а іншыя ў спісе на звальненне.

Зноскі

1. Выпускники биологического факультета Архівавана 15 лютага 2017. / В. В. Лысак [и др.]. — Минск : БГУ, 2011. — 327 с. : ил. ISBN 978-985-518-517-9.
2. Незалежны прафсаюз заявіў пра звальненьні ягоных сябраў у Акадэміі навук. 4 ліпень 2021 Архівавана 9 ліпеня 2021.